नांदेड| अजिंक्य विठ्ठलराव जाधव अमेरिकेतील नाॅर्थइस्टर्न युनिव्हर्सिटी बोस्टन या जगप्रसिद्ध विद्यापीठात इंजिनिअरींग मॅनेजमेंट हा दोन वर्षाचा एमएस अभ्यासक्रम पूर्ण करण्यासाठी दि.२२ ऑगस्ट रोजी अमेरिकेला जात आहे.
अजिंक्य लहानपणापासून हुशार विद्यार्थी म्हणून ओळखला जायचा. जेएसपीएम राजर्षी शाहू अभियांत्रिकी महाविद्यालय पुणे येथून त्याने संगणकशास्त्र अभियांत्रिकी पदवी परीक्षेत चांगले मार्क्स मिळवले तसेच बाहेरील देशात अभ्यासक्रम पूर्ण करण्यासाठी लागणारी परीक्षा जीआरई तो चांगल्या गुणांनी उत्तीर्ण झाला आणि नाॅर्थइस्टर्न विद्यापीठाने अजिंक्य चा प्रवेश पक्का केला.
अजिंक्य हा एमजीएम अभियांत्रिकी महाविद्यालय नांदेड येथिल प्रोफेसर विठ्ठलराव जाधव यांचा मुलगा आहे. या यशाबद्दल अजिंक्य चे जयप्रकाश दांडेगावकर, एमजीएम चे संस्थाध्यक्ष कमलकिशोर कदम, संचालिका डाॅ.गीता लाठकर, उपप्राचार्य डाॅ.शिरिष कोटगीरे,डाॅ.गोविंद हंबर्डे,प्रोफेसर जे.के.सावळे, प्रोफेसर पंडीत शिंपाळे आदींनी अभिनंदन केले आहे.
