Nanded police take bold action -

नांदेड | नांदेड जिल्ह्यात चोरीच्या गुन्ह्यांवर आळा घालण्यासाठी पोलिसांनी केलेल्या धडाकेबाज कारवाईत मोठे यश मिळाले आहे. गोवंश जनावरांची चोरी करून बाजारात विक्री करणाऱ्या आंतरराज्य टोळीचा पर्दाफाश करत पोलिसांनी अवघ्या २४ तासांत गुन्हा उघड केला असून ५ लाख ५२ हजार रुपयांचा मुद्देमाल जप्त केला आहे. नांदेड येथील स्थानिक गुन्हे शाखेने ही कारवाई केली असून या प्रकरणी रामतीर्थ, उमरी, नायगाव आणि कुंडलवाडी पोलीस ठाण्यात कलम 303(2) BNS अन्वये दाखल असलेल्या गुन्ह्यांचा छडा लावण्यात आला आहे. या गुन्ह्यांची माहिती ४ फेब्रुवारी २०२६ रोजी प्राप्त झाल्यानंतर तत्काळ तपास सुरू करण्यात आला. तपासादरम्यान पोलिसांनी चार आरोपींना अटक केली असून त्यांच्याकडून चोरीसाठी वापरण्यात आलेले वाहन व इतर साहित्य हस्तगत करण्यात आले आहे. यामध्ये महिंद्रा कंपनीची XUV Go मॉडेलची चारचाकी, तसेच इतर मुद्देमाल असा एकूण ५.५२ लाख ...