killed in car collision -

हिमायतनगर | हिमायतनगर तालुक्यातील मौजे सरसम येथे भीषण अपघातात दोन तरुणांचा मृत्यू झाल्याने गावावर शोककळा पसरली आहे. कार आणि मोटारसायकल यांच्यात झालेल्या धडकेत दोघांचा दुर्दैवी अंत झाला. मिळालेल्या माहितीनुसार, शंकरराव सर्जे देशमुख व गजानन लक्ष्मण पांचाळ हे दोघे मोटारसायकलवरून जात असताना भरधावं कारचालकाने जोरदार धडक दिली. अपघात इतका भीषण होता की गजानन पांचळ यांचा जागीच मृत्यू झाला. गंभीर जखमी अवस्थेत असलेल्या शंकरराव सर्जे देशमुख यांना तातडीने उपचारासाठी नांदेड येथे हलविण्यात येत असताना वाटेतच त्यांची प्राणज्योत मालवली. या दुर्दैवी घटनेने सरसम गावासह परिसरात हळहळ व्यक्त होत आहे. घटनेची माहिती मिळताच पोलीस घटनास्थळी दाखल झाले असून पुढील तपास सुरू आहे. अपघाताचे नेमके कारण अद्याप स्पष्ट झाले नसून अधिक चौकशी सुरू असल्याचे समजते. या अपघातामुळे दोन कुटुंबांवर दुःखाचा डोंगर कोसळला...