Indian Border Management Authority : भारतीय सीमा व्यवस्थापन प्राधिकरण स्थापन होणार – खा. डॉ अजित गोपछडे यांच्या मागणीस केंद्रीय गृहमंत्रालयाचा सकारात्मक प्रतिसाद
नांदेड| दक्षिण आफ्रिकेच्या धरतीवर भारताच्या सीमांची सुरक्षितता अधिक मजबूत करण्याच्या अनुषंगाने भारतीय सीमा व्यवस्थापन प्राधिकरण स्थापन व्हावे यासाठी खा.डॉ. अजित गोपछडे यांनी केंद्र सरकारला पत्र लिहिले होते शिवाय राज्यसभेतही यासाठी निवेदन केले होते. या अनुषंगाने खा. डॉ. गोपछडे यांच्या मागणीस सकारात्मक प्रतिसाद मिळाला असून केंद्रीय गृहराज्यमंत्री नित्यानंद राय यांनी पत्र लिहून दक्षिण आफ्रिकेच्या धरतीवर सीमा सुरक्षा व्यवस्थापन प्राधिकरण स्थापन करण्याच्या अनुषंगाने केंद्र सरकार योग्य ती तपासणी करीत असल्याचे लेखी कळवले आहे.
गृह मंत्रालया अंतर्गत भारतीय सीमा व्यवस्थापन प्राधिकरण स्थापन करण्यासाठी पंतप्रधान नरेंद्र मोदी, गृहमंत्री मंत्री अमितभाई शाह यांना खा. डॉ अजित गोपछडे यांनी दि. 28 एप्रिल 2025 रोजी एक प्रस्ताव सादर केला होता. पत्र क्रमांक AMG/450 नुसार भारतीय सीमा व्यवस्थापन प्राधिकरण स्थ...