The Diwali morning जगविख्यात गझल गायक, गझल नवाज भिमराव पांचाळे यांच्या मैफिलीने दिवाळी पहाटचा समारोप, श्रोते मंत्रमुग्ध -NNL
नांदेड| दिवाळी संध्या २०२४ उपक्रमात जगद्विख्यांत गझलगायक, गझलनवाज भीमराव पांचाळे यांची मैफल बंदाघाट येथे संपन्न झाली. गोदावरीचा रम्य काठ, दिवाळीचा झगमगाट असलेला खुला रंगमंच, प्रेक्षकांनी खचाखच भरलेला बंदा घाट, भीमरावांच्या गझलेचे आर्त स्वर आणि निवासी उपजिल्हाधिकारी महेश वडदकर यांचे उत्साहवर्धक निवेदन असा आगळा वेगळा माहोल असलेल्या मैफलीने रसिकांची मने जिंकली. जिल्हाधिकारी अभिजीत राऊत, नांदेड वाघाळ मनपा आयुक्त महेशकुमार डोईफोडे यांच्या प्रमुख उपस्थितीत गझलेचा हा सोहळा नांदेडकरांनी अनुभवला.
मैफलीची सुरुवात अंदाज आरश्याचा वाटे खरा असावा, या इलाही जमादार यांच्या प्रसिध्द गझलेने झाली. माणसांचे विविध स्वभाव व त्याचा स्वतःशी होणारा संवाद या बाबी प्रकर्षाने भीमरावांच्या तलम रेशमी स्वरातून नमूद झाल्या. संगीता जोशी यांनी लिहिलेल्या, जीवनाला दान द्यावे लागते, या गझलेने खर्या जीवनातील वेदनेचा निचो...