Constituency Sujlam Suphalam will complete -

हिमायतनगर,अनिल मादसवार। हदगाव, हिमायतनगर मतदार संघातील जनतेनी मला विधान सभेच्या निवडणूकीत भरभरुन आशिर्वाद दिले आहे. यात विशेषकरून सिरंजनी ग्राम वासीयांचा मोलाचा वाटा आहे. हे मी कधीही विसरू शकणार नाही आणि जनतेच्या आशीर्वादाची परतफेड सर्वागीण विकासाची कामे पुर्ण करूण करणार असे प्रतिपादन आमदार बाबुराव कदम कोहळीकर यांनी केले. ते तालुक्यातील सिरंजनी येथील ग्राम वासीयांच्या वतीने आयोजित भव्य नागरीसत्कार सोहळा व तसेच आमदार कोहळीकर यांच्या हस्ते १ कोटी ७ लक्ष रूपये विविध विकास कामाचे भूमिपूजन शुक्रवार दिनांक १४ रोजी पार पडला. यावेळी आयोजित कार्यक्रमात आमदार कोहळीकर उपस्थितांना संबोधित करताना बोलत होते. कार्यक्रमाचे प्रास्ताविक सरपंच प्रतिनिधी पवन करेवाड यांनी केले. यावेळी पुढे बोलताना आमदार कोहळीकर म्हणाले की, दोन्ही तालुक्याच्या सिंचनाचा अनुशेष कायम आहे. हिमायतनगर तालुक्यातील मौजे टेंभुर्णी...