at Vishwakarma Music School -

नांदेड| सखोजी नगर येथील विश्वकर्मा संगीत विद्यालय येथे काल गुरु पौर्णिमा निमित्त कार्यक्रमाचे आयोजन करण्यात आले होते. ह.भ.प.दामोदर गुरुजी यांच्या वतीने व विद्यालयात संगीताचे प्रशिक्षण घेणाऱ्या विद्यार्थ्यांनी व सहकाऱ्यांनी या कार्यक्रमांचे सुंदर आयोजन केले होते. सर्वप्रथम दीप प्रज्वलन व गणेश वंदना ,श्री संत मन्मथ स्वामी महाराज,श्री संत ज्ञानेश्वर महाराज यांच्या प्रतिमेचे पूजन करून महाआरती करण्यात आली. यावेळी संगीत विद्यालयाचे संचालक तथा संगीत शिक्षक ह.भ.प.दामोदर गुरुजी यांचा आदरयुक्त सत्कार करून गुरु पूजन करण्यात आले. शास्त्रीय संगीत शिक्षिका कु. मुक्ता अनेराव,मृदंग शिक्षक प्रदीप अनेराव यांचाही या वेळी सत्कार करण्यात आला. सत्कार सोहळ्यानंतर भक्ती संगीताचा कार्यक्रम घेण्यात आला या वेळी अनेक अभंग आणि सुगम संगीत तथा शास्त्रीय संगीताचे सादरीकरण करण्यात आले. या कार्यक्रमास प्रमुख अतिथी म्...