Republic Day celebrated : हिमायतनगर तहसील कार्यालयात ७७ वा प्रजासत्ताक दिन उत्साहात साजरा
हिमायतनगर, अनिल मादसवार| हिमायतनगर येथील तहसील कार्यालयात भारतीय प्रजासत्ताक दिनाचा ७७ वा वर्धापन दिन मोठ्या उत्साहात आणि अभिमानाच्या वातावरणात साजरा करण्यात आला. यानिमित्त सकाळी ९.१५ वाजता तालुका दंडाधिकारी तथा तहसीलदार सौ. पल्लवी टेमकर यांच्या हस्ते ध्वजारोहण करण्यात आले.
ध्वजारोहणापूर्वी भारतरत्न डॉ. बाबासाहेब आंबेडकर व राष्ट्रपिता महात्मा गांधी यांच्या प्रतिमांचे पूजन व अभिवादन करून कार्यक्रमास प्रारंभ करण्यात आला. या प्रसंगी शहरातील नगरपंचायतचे नगराध्यक्ष शेख रफिक शेख महबूब, तहसील, पंचायत समिती व इतर शासकीय कार्यालयांचे अधिकारी-कर्मचारी, नगरसेवक, पत्रकार, सामाजिक कार्यकर्ते, ज्येष्ठ नागरिक तसेच महिला-पुरुष मोठ्या संख्येने उपस्थित होते.
संविधान मूल्यांचा संदेश
कार्यक्रमप्रसंगी तहसीलदार सौ. पल्लवी टेमकर यांनी उपस्थितांना प्रजासत्ताक दिनाच्या हार्दिक शुभेच्छा देत संविध...
