and live cartridges -

नांदेड| अवैध शस्त्र बाळगणाऱ्यांवर स्थानिक गुन्हे शाखेने (एलसीबी) मोठी कारवाई करत एक गावठी पिस्टल व १८ जिवंत काडतुसे जप्त केली असून, एका आरोपीला अटक करण्यात आली आहे. जप्त मुद्देमालाची किंमत सुमारे ६१ हजार रुपये असल्याची माहिती पोलिसांनी दिली. पोलिसांनी दिलेल्या माहितीनुसार, गुप्त माहितीच्या आधारे २५ मार्च रोजी एलसीबी पथकाने सापळा रचून ही कारवाई केली. आरोपी नागेश उर्फ दादा श्रीहरी भारती (वय २२, रा. जिजामाता नगर, नांदेड) याच्या ताब्यातून एक गावठी पिस्टल (₹२५,०००) व १८ जिवंत काडतुसे (₹३६,०००) असा एकूण ₹६१,००० किमतीचा मुद्देमाल जप्त करण्यात आला. या प्रकरणी संबंधित आरोपीविरुद्ध शस्त्र कायद्यान्वये गुन्हा दाखल करण्यात आला असून पुढील तपास सुरू आहे. ही कारवाई पोलीस अधीक्षक अविनाश कुमार, अपर पोलीस अधीक्षक अर्चना पाटील यांच्या मार्गदर्शनाखाली स्थानिक गुन्हे शाखेचे पोलिस निरीक्षक व पथकाने केली. ...