नवीन नांदेड l श्री हुजूर साहेब नांदेड सिडको साईबाबा नगर बिडी कॉलनी साईबाबा मंदिर येथून निघालेल्या 27 जुलै रोजी शिर्डी कडे निघालेल्या या पदयात्रेचे सिडको हडको परिसरातील मुख्य मार्गावर रांगोळी, फटक्यांची आतिषबाजी ढोलताशांच्या गजरात व विविध ठिकाणी महाआरती, अन्नदानाचे वाटप करून स्वागत करण्यात आले यावेळी माजी उपमहापौर विनय पाटील गिरडे यांच्या सह माजी लोकप्रतिनिधी, विविध राजकीय पक्षांच्ये पदाधिकारी, सामाजिक संघटना व महिला युवक मोठ्या संख्येने सहभागी झाले होते.
दर वर्षीप्रमाणे सलग 14 व्या वर्षी नांदेड हुजूर साहेब ते शिर्डी पालखी सोहळा 27 जुलै रोजी सकाळी 9 वाजता साईबाबा नगर बिडी कामगार कॉलनी सिडको येथून महाआरतीने प्रारंभ झाला,यावेळी वैजनाथ देशमुख,विनोद कांचनगिरे,डॉ.नरेश रायेवार,जयश्री जयस्वाल,सुषमा गहिरवार, यांच्या सह अध्यक्ष गणेश जैस्वाल, नागोराव वाघमोडे, गणेश भद्रे, मारोती वाघमारे,दता लोंढे,शुभम, गणेश येवले, उबाळे पाटील,सोमेवाड,गौरव दरबस्तवार,
राजु बच्चेवार,संदीप देवसरकर , संतोष जैस्वाल यांच्या पदयात्रेतील जवळपास 100 भाविक भक्त सहभागी झाले होते.
हि यात्रा असून ही यात्रा 417 किलोमीटर आहे,यात पहिल्या दिवशी सिडको ते मरळक,व नेवासा मार्ग शिर्डी येथे 10 आगस्ट रोजी 417 किलोमीटर अंतर चालून ही पदयात्रा पोहचणार आहे सिडको हडको परिसरातील निघालेल्या या पालखीचे अनेक ठिकाणी भव्य रांगोळी, फटक्यांची आतिषबाजी,ढोलताशांच्या गजरात अनेक ठिकाणी स्वागत करण्यात आले.
हडको भागातील छत्रपती शिवाजी महाराज पुतळा या ठिकाणी मोहनराव घोगरे मित्र मंडळ तर सिडको येथे छत्रपती शिवाजी महाराज पुतळा येथे छत्रपती शिवाजी महाराज मित्र मंडळ यांचा वतीने अन्नदान वाटप तर शिवसेना शिंदे गटाचे दक्षिण जिल्हा प्रमुख विनय पाटील गिरडे यांच्या वतीने फटाक्यांची आतिषबाजी मध्ये स्वागत केले ,तर माजी लोकप्रतिनिधी ऊदय देशमुख, माजी नगरसेविका ललिता शिंदे,सतिश बसवदे,राजु लांडगे,मोनु जोशी, पिंटू महाराज,संजय काचावार,किशोर देशमुख,अशोक मोरे, सुखासिंग टाक ,राजु निखाते,यांच्या सह विविध राजकीय पक्षांच्या पदाधिकारी व सामाजिक संघटनेचे पदाधिकारी, पत्रकार ,महिला,युवक, युवती ,मोठ्या संख्येने सहभागी झाले होते यावेळी संतोषी माता महिला भजनी मंडळ महिला पदाधिकारी मोठ्या संख्येने सहभागी होत्या.
सिडको मोढा प्रकल्प येथे शिवसेनेचे धनराज दिलीप सिंह भगिले यांच्या वतीने पदयात्रा पालखी सोहळ्याचे जल्लोषात स्वागत व विधीवत पूजन करून फळांचे वाटप करण्यात आले,यावेळी ऊबाठा गटांचे जिल्हा प्रमुख भुजंगराव पाटील डक,तालुका प्रमुख नंदु वैध,सिडको शहरप्रमुख जितुसिंग टाक यांच्या सह पदाधिकारी मोठ्या संख्येने उपस्थित होते हि पदयात्रा यशस्वीतेसाठी अध्यक्ष गणेश जैस्वाल व ऊपाध्यक्ष नागोराव वाघमोडे,व साईबाबा पालखी सोहळा परिश्रम घेत आहेत.
