नांदेड l “सार्वजनिक आरोग्य व कुटुंब कल्याण राज्य मंत्री मा.ना.मेघना साकोरे बोर्डीकर मॅडम यांना भेटून, राष्ट्रसेवा आरोग्य संघटना व नांदेड हिवताप व हत्तीरोग संघर्ष समितीने दि 15/04/2025 रोजी हिवताप विभाग हस्तांतरण रद्द करणे बाबत निवेदन दिले राज्य शासनाच्या आरोग्यसेवा अंतर्गत हिवताप, हत्तीरोग व जलजन्य आजार हा विभाग स्वतंत्रपणे कार्यरत असून राष्ट्रीय कार्यक्रमात मोडतो.जिल्हा पातळीवर जिल्हा हिवतापप व हत्तीरोग अधिकारी च्यामार्फत कार्यक्रमांची अंमलबजावणी होत. गेले कित्येक वर्षांपूर्वी राज्यात व जिल्ह्यात हिवताप हा आजार अक्षरशः धुमाकूळ घालत असे.
मात्र उपरोक्त विभागांनी मागील अनेक वर्षांत अत्यंत सुनियोजितपणे अन सुरळीतपणे व हत्तीरोग नियंत्रणाचा कार्यक्रम राबवला जात आहे. त्याचा परिणाम म्हणूनच सध्या या आजारांचे प्रमाण देखील अगदी नगण्य आढळून येते आज देखील या विभागाचे अधिकारी,कर्मचारी डास नियंत्रण ,ताप सर्वेक्षण, हिवताप व हत्तीरोग रक्त नमुने तपासणी व उपचार या सोबतच आरोग्य विभागातील इतरही राष्ट्रीय कामे पार पाडत असतात.
परंतु सहसंचालक,आरोग्य सेवा (हि.ह,व ज) पुणे यांनी दि. 26 मार्च 2025 रोजी परिपत्रक काढून राज्य शासनाचा हा राष्ट्रीय विभाग जिल्हा परिषदेकडे हस्तांतरित करण्याचा तुघलकी घात घातला आहे. या हस्तांतरणामुळे या हिवताप विभागाच्या आस्थापनेवरील सर्व अधिकारी, कर्मचाऱ्यांना प्रचंड अडचणींना तोंड द्यावे लागणार आहे. त्यामुळे या हस्तांतरण परिपत्रकाविषयी सर्वसामान्य कर्मचाऱ्यांमध्ये प्रचंड असंतोष असून या आस्थापनेवरील विविध संवर्गातील सर्व कर्मचाऱ्यांनी या परिपत्रकास कडाडून विरोध दर्शवला आहे.
याच परिपत्रकाच्या विरोधाचा भाग म्हणून नांदेड सह अनेक जिल्ह्यांत हिवताप व हत्तीरोग संघर्ष समितीची स्थापना झाली आहे. या संघर्ष समितीच्या वतीने रोजी दि. 15 एप्रिल2025 रोजी मुंबई येथे सार्वजनिक आरोग्य व कुटुंब कल्याण राज्य मंत्री मा.ना.मेघना साकोरे बोर्डीकर मॅडम यांची भेट घेऊन सविस्तर चर्चा केली आहे.
यावेळी समितीच्या वतीने अन्यायकारक परिपत्रक रद्द करणे व कर्मचाऱ्यांच्या इतर न्याय हक्क मागण्यासाठी निवेदन देण्यात आले असता मंत्री महोदयांनी संघटनेच्या शिष्टमंडळास सकारात्मक प्रतिसाद दिल्या बद्दल सर्व कर्मचाऱ्यांनी समाधान व्यक्त केले आहे यावेळी नांदेड जिल्हा हिवताप, हत्तीरोग संघर्ष समितीचे अध्यक्ष पुष्पराज राठोड, सचिव सत्यजीत टिप्रेसवार, गणेश सातपुते, मारोती कोकरे,दुलसिंग राठोड उपस्थित होते.