कंधार | कंधार तालुक्यात अवैध जुगारावर मोठी कारवाई करत कंधार पोलिसांनी जुगार अड्ड्यावर छापा टाकून तब्बल २ लाख ७५ हजार ८४० रुपयांचा मुद्देमाल जप्त केला आहे. या धडक कारवाईमुळे परिसरात खळबळ उडाली आहे.
ही कारवाई पोलीस ठाणे कंधार हद्दीत करण्यात आली असून, याप्रकरणी गुन्हा रजिस्टर क्रमांक ३३/२०२६ नुसार महाराष्ट्र जुगार प्रतिबंधक कायदा कलम १२ (अ) अंतर्गत गुन्हा दाखल करण्यात आला आहे. दिनांक ३ फेब्रुवारी २०२६ रोजी सायंकाळी ६.०० ते ६.५६ या वेळेत गोपनीय माहितीच्या आधारे कंधार पोलिसांनी सापळा रचत जुगार अड्ड्यावर अचानक छापा टाकला. यावेळी आरोपी जुगार खेळताना रंगेहात आढळून आले.
पोलिसांनी छाप्यात जुगाराचे साहित्य, रोख रक्कम, ०५ मोबाईल फोन, ०४ दुचाकी वाहने असा एकूण ₹२,७५,८४०/- किमतीचा मुद्देमाल जप्त केला आहे. या प्रकरणी एकूण ९ आरोपींना ताब्यात घेण्यात आले असून, त्यांच्याविरोधात पुढील कायदेशीर कारवाई सुरू आहे.
ही यशस्वी कारवाई पोलीस अधीक्षक नांदेड मा. श्री. अविनाश कुमार (IPS), अपर पोलीस अधीक्षक मा. श्रीमती अर्चना पाटील, अपर पोलीस अधीक्षक मा. श्री. सुरज गुरव, उपविभागीय पोलीस अधिकारी कंधार डॉ. अश्विनी जनार्दन, यांच्या मार्गदर्शनाखाली कंधार पोलीस ठाण्याच्या पथकाने केली. कंधार तालुक्यात अवैध जुगार, दारू व इतर गैरकृत्यांवर कठोर कारवाई सुरूच राहणार, असा स्पष्ट इशारा नांदेड पोलिसांनी दिला आहे.
