नांदेड| आजच्या स्पर्धेच्या युगात शॉर्टकट मार्ग न अवलंबता विद्यार्थ्यांनी शिक्षणात कठोर परिश्रम घेणे गरजेचे आहे मेहनती शिवाय पर्याय नाही असे प्रतिपादन जिल्हा पोलीस अधीक्षक अबिनाश कुमार यांनी केले.
नांदेड तालुक्यातील धनेगाव येथे विद्यार्थ्यांना स्पर्धा परीक्षा मार्गदर्शन शिबिराचे आयोजन वंचित बहुजन आघाडीचे तालुका अध्यक्ष प्रा. विनायक गजभारे यांच्यावतीने आयोजित करण्यात आला होता. यावेळी प्रमुख मार्गदर्शक म्हणून ते बोलत होते. कार्यक्रमाचे अध्यक्षस्थानी भदंत पंय्याबोधी थेरो हे होते. प्रमुख पाहुणे म्हणून ग्रामीण ठाण्याचे पोलीस निरीक्षक आयनाले, धनेगाव चे माजी सरपंच दिलीप गजभारे यांच्यासह आदींची उपस्थिती होती.
यावेळी उपस्थित विद्यार्थ्यांना मार्गदर्शन करताना पोलीस अधीक्षक अबिनाश कुमार म्हणाले की, विद्यार्थ्यांनी शिक्षणाकडे लक्ष देणे अत्यंत गरजेचे आहे. इंग्लिश मीडियम व जिल्हा परिषद शाळा यामधील शिक्षणात फारसे फरक नाही. जिल्हा परिषद शाळेतील विद्यार्थीही आयएएस, आयपीएस झालेले आहेत. त्यामुळे विद्यार्थ्यांनी कोणताही शॉर्टकट मार्ग शिक्षणामध्ये अवलंबू नये, कठोर परिश्रम घेणे गरजेचे आहे मेहनत केल्यास यश निश्चित मिळेल असे ही ते म्हणाले, या कार्यक्रमास परिसरातील विद्यार्थी व गावकऱ्यांची मोठ्या प्रमाणात उपस्थिती होती. कार्यक्रमाच्या यशस्वीतेसाठी विकास जोंधळे, विशाल सावते, राष्ट्रपाल गजभारे, चेतन गजभारे, सुदर्शन गजभारे, वैभव गजभारे, रणवीर चिंचोरे, साईनाथ गजभारे यांच्यासह आदींनी परिश्रम घेतले.
