लोहा| येथील डॉ. अजिंक्य गोविंदराव बगडे यांना डॉ. डी. वाय. पाटील अभिमत विद्यापीठ, कोल्हापूर येथून डॉक्टरेट पदवी प्रदान करण्यात आली आहे. ऊर्जा साठवण्यासाठी उपयुक्त असणाऱ्या सुपर कॅपेसिटर आणि बॅटरीसाठी प्रभावी आणि कार्यक्षम ‘थिन फिल्म्स’ या विषयावर आधारित त्यांचा शोध प्रबंध होता.
भारतातील जगविख्यात शास्त्रज्ञ प्रा. डॉ. सी. डी. लोखंडे यांच्या मार्गदर्शनाखाली त्यांनी हे संशोधन पूर्ण केले. संशोधन कालावधीत डॉ. बगडे यांचे एकूण ०९ शोधनिबंध आंतरराष्ट्रीय जर्नल्समध्ये प्रकाशित झाले आहेत व ०८ भारतीय पेटंट्स झाले आहेत. तसेच १२ आंतरराष्ट्रीय आणि राष्ट्रीय परिषदामध्ये संशोधनाचे सादरीकरण करण्याची संधी मिळाली, जे त्यांच्या शैक्षणिक उत्कृष्टतेचे प्रतीक आहे. या यशामागे त्यांच्या परिवाराचे आणि सर्व मित्रपरिवाराचे मोलाचे योगदान आहे. डॉ. बगडे यांच्या यशाबद्दल सर्वत्र कौतुकाचा वर्षाव होत आहे.
