उस्माननगर l येथून जवळच असलेल्या मौजे शिराढोण ता.कंधार येथील पंचक्रोशीत प्रसिद्ध असलेल्या भीमाशंकर यात्रा व नवरात्र महोत्सवात शैक्षणिक क्षेत्रात उत्कृष्ट, भरीव कामगिरी करणाऱ्या जयवंतराव काळे यांचा जगद्गुरु भीमाशंकरलिंग शिवाचार्य महाराज यांच्या उपस्थितीत माजी आमदार ओमप्रकाश पोकर्णा यांच्या हस्ते मानवस्त्र , स्मृती चिन्ह व पुष्पहार अर्पण करून सन्मान करण्यात आला.
दरवर्षी प्रमाणे याहीवर्षी मोठ्या हर्ष उल्हासात श्री भीमाशंकर महाराज यात्रा व नवरात्र महोत्सव सोहळा पार पडला. दररोज भजन कीर्तन, प्रवचन याचे आयोजन करण्यात आले. तर ११ ऑक्टोबर रोजी रात्री गावातील गुणवंत विद्यार्थी व प्रतिष्ठित नागरिक, विविध क्षेत्रात उल्लेखनीय कामगिरी करणाऱ्या शिक्षक, सामाजिक कार्यकर्ते , पुरस्कार विजेते यांचा जगद्गुरु भीमाशंकरलिंग शिवाचार्य महाराज यांच्या सान्निध्यात व मान्यवरांच्या हस्ते गौरविण्यात आले. श्री भीमाशंकर महाराज यांच्या यात्रा महोत्सवात उत्कृष्ट कार्य करणाऱ्या व्यक्तींना गौरविण्यात आले.
यावेळी शैक्षणिक क्षेत्रातील वर्ष २०२३-२०२४ अंतर्गत महाराष्ट्र शासनाच्या राबविण्यात आलेल्या ” मुख्यमंत्री माझी शाळा , सुंदर शाळा ” या उपक्रमात भाग घेऊन जि.प. कें. प्रा. शाळा शिराढोण या शाळेचा कंधार तालुक्यातून पहिला क्रमांक मिळविला होता. त्यांच्या कार्याची व तळमळीने केलेल्या कार्याची दखल घेऊन शिराढोण यात्रा महोत्सव समितीने जयवंतराव काळे ( केद्र प्रमुख पं.स. बिलोली ) यांचा उपस्थित महाराज व माजी आमदार ओमप्रकाश पोकर्णा यांच्या हस्ते मानवस्त्र, स्मृती चिन्ह व पुष्पहार अर्पण करून सन्मान करण्यात आला.
