Women Maha Mela : मुख्यमंत्री महिला सशक्तीकरण अभियानाचा नवा मोंढा मैदानावर गुरुवारी महिला महामेळावा -NNL
नांदेड| राज्य शासनाच्या महिला सक्षमीकरणाच्या पथदर्शी योजनांच्या लाभार्थ्यांशी संवाद साधण्यासाठी त्यांना प्रमाणपत्र व लाभ देण्यासाठी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांच्यासह मान्यवर उपस्थित राहणार आहेत. कृषि उत्पन्न बाजार समितीच्या नवा मोंढा या मैदानावर यासाठी हजारो महिला बसू शकतील असा मंडप उभारण्यात आला आहे. उद्या जिल्हाभरातील महिलांची उपस्थिती याठिकाणी असेल. उदया दुपार पासून विविध सांस्कृतिक कार्यक्रमाला सुरूवात होणार असून मुख्यमंत्री एकनाथ शिंदे हे महिलांना दुपारी 4 च्या सुमारास संबोधित करणार आहेत.
या कार्यक्रमास राज्याचे ग्रामविकास मंत्री तथा नांदेड जिल्ह्याचे पालकमंत्री गिरीश महाजन, महिला बाल विकास मंत्री आदिती तटकरे यांची प्रमुख उपस्थिती राहणार आहे. तसेच माजी मुख्यमंत्री तथा राज्यसभा सदस्य अशोक चव्हाण, मा. बाळासाहेब ठाकरे हर...
