श्रीक्षेत्र माहूर, राज ठाकूर| वाईल्डलाईफ क्राईम कंट्रोल ब्युरो मुंबई यांनी दि १८ ऑगस्ट रोजी दिलेल्या गुप्त माहिती नुसार दुर्मिळ भारतीय खवले मांजर या प्रजातीच्या वन्य प्राण्याचे तस्करी होत असल्याची प्राथमिक माहिती प्राप्त होताच उपवनसंरक्षक नांदेड केशव वाबळे यांच्या मार्गदर्शनात किरण चव्हाण, स. व. स. रोहित जाधव वनपरिक्षेत्र अधिकारी माहूर, प्रमोद राठोड वनपरिक्षेत्र अधिकारी किनवट यांनी सापळा रचला या सापळ्यात खवल्या मांजरा सह आरोपीस जेरबंद केले.
मिळालेल्या गुप्त माहितीवरून रचलेल्या सापळयात वनकर्मचारी व वाईल्ड लाईफ क्राईम कंट्रोल ब्युरो मुंबई चे कर्मचारी बनावट खरेदीदार च्या वेशात तयार झाले, सदर बनावट खरेदीदार यांना सुमारे ४ तास वेगवेगळी ठिकाणे फिरवल्यानंतर शेवटी आरोपी हे वनपरिक्षेत्र माहूर हद्दीतील मौजे मालवाडा परिसरातील राष्ट्रीय महामार्ग क्र. १६१ अ लगत असलेल्या हिंदुस्थान पेट्रोल पंपाजवळ भेटण्यासाठी तयार झाले, भेटीच्या नियोजित जागेपासून जवळच लांजी फाटा, व लखमापूर येथिल भारत पेट्रोलियम पंप येथे इतर अधिकारी कर्मचारी दबा धरून बसले.
रात्री सुमारे ९ वाजुन १५ मि च्या सुमारास एक चार चाकी व १ दुचाकी किनवट च्या दिशेकडून नियोजित ठिकाणी पोहचले, बनावट खरेदीदार टीमला सदर वाहनांमध्ये वन्यप्राणी खवले मांजर असल्याची खात्री होताच त्यांनी इतर दबा धरून बसलेल्या कर्मचाऱ्यांना कळवून त्यांच्यावर छापा टाकला त्यामध्ये दुचाकी एम एच ३२ ए यु ३०९३ व चारचाकी एम एच ३६ ए ०१०२ जिवंत खवले मांजरासह रुपेश मारोतराव चेनेकर वर्धा, बाळू पुंजाराम डोखळे, रा. सावरगाव किनवट ,जयदीप मारोती राठोड, रा. खैरगाव, माधव पुंजाराम डोखळे, रा. सिंदगाव किनवट, आनंद पांडुरंग भालेराव, रा.भिसी असे एकूण ५ आरोपींना रंगेहात ताब्यात घेण्यात आले.
त्या मधिल एक आरोपी रात्री अंधाराचा फायदा घेऊन फरार झाला,सदर आरोपी यांच्यावर वन्यजीव संरक्षण अधिनियम १९७२ अन्वये गुन्हा नोंदविण्यात आला. या कारवाईत माहुर वनपरिक्षेत्र चे कर्मचारी मनोहर कत्तुलवार, मीर साजिद अली, निशांत दुर्गे, दिपक माने, ज्ञानेश्वर माळेकर, ओम वरकड, माधव डाके, गणेश काळे, अमोल गेडाम, बीजुसिंग गुसिंगे, वाहनचालक बाळकृष्ण आवळे यांनी मोलाची कामगीरी बजावली.
