हिंगोली| जागतिक आदिवासी दिनानिमित्त, आदिवासी युवक कल्याण संघ हिंगोली च्या वतीने जिल्हाधिकारी कार्यालयासमोर विशेष पदभरती व आदिवासी समाजाच्या विविध मागण्यांसाठी भव्य उलगुलान आंदोलन करण्यात आले.
यावेळी शिवसेना (उद्धव बाळासाहेब ठाकरे) पदाधिकाऱ्यांच्या वतीने जिल्हाधिकाऱ्यांना आदिवासी समाजाच्या विविध मागण्या पूर्ण व्हाव्यात यासाठी निवेदन देण्यात आले. उपस्थित समाज बांधवांना कळमनुरी मतदार संघाचे शिवसेना (उद्धव बाळासाहेब ठाकरे) नेते डॉ. रमेश मस्के (नाईक) यांनी मार्गदर्शन करून आदिवासी दिनानिमित्त शुभेच्छा दिल्या व त्यांच्या मागण्या पूर्ण होईपर्यंत त्यांच्यासोबत लढा देण्याचे आश्वासन दिले.
यावेळी शिवसेना नेते डॉ. रमेश देवराव मस्के (नाईक) माजी आमदार संतोष टारफे शिवसेना जिल्हाप्रमुख अजय उर्फ गोपू पाटील सावंत, काँग्रेस जिल्हाध्यक्ष दिलीपराव देसाई, शिवसेना जिल्हा संघटक बाळासाहेब मगर, आदिवासी युवक कल्याण संघाचे हिंगोली जिल्हाध्यक्ष तथा माजी जिल्हा परिषद सदस्य डॉ. सतीश पाचपुते व मोठ्या संख्येने आदिवासी समाज बांधव व जनसमुदाय उपस्थित होता.
