नांदेड| जिल्हयातील अवैध दारू, हातभट्टी, मटका जुगार, कोप्टा कायदा अंतर्गत समूळ उच्चाटन करण्यासाठी मास रेडचे आयोजन करून एकुण 66 गुन्हे दाखल करून एकुण 79 इसमांवर कारवाई करून 6,17,575/-रू चा मुद्देमाल केला जप्त केला आहे.
नांदेड जिल्हयातील अवैध व्यवसाय पुर्णतः बंद करण्यासंबंधाने ऑपरेश फ्लश ऑऊट अंतर्गत नांदेड जिल्हयातील अवैध दारू, हातभट्टी, मटका जुगार, कोप्टा कायदा अंतर्गत समुळ उच्चाटन करण्यासाठी मास रेडचे अबिनाश कुमार पोलीस अधीक्षक नांदेड यांनी दिनांक 09.02.2025 रोजी आयोजन केले होते.
सदर मास रेड कामी अबिनाश कुमार, पोलीस अधीक्षक नांदेड यांचे मार्गदर्शनाखाली खंडेराव धरणे, अपर पोलीस अधीक्षक, भोकर, सुरज गुरव, अपर पोलीस अधीक्षक, नांदेड यांचे सह सर्व उपविभागीय पोलीस अधीकारी, नांदेड जिल्हा व स्थानिक गुन्हे शाखा, नांदेड येथील पोलीस अधीकारी व पोलीस अंमलदार तसेच सर्व पोस्टे प्रभारी अधीकारी व पोलीस अंमलदार यांनी भाग घेतला होता.
सदर मास रेड दरम्यान अवैध दारू, हातभट्टी विक्री करणारे व जुगार खेळणारे व खेळवित असणारे लोकांचे ठिकाणावर छापा टाकुन समुळ उच्चाटन करण्यासाठी राबविलेल्या मोहीमेमध्ये नांदेड जिल्हयात एकुण 66 गुन्हे दाखल करून, एकुण 79 इसमांवर कारवाई करून 6,17,575/- रूपयाचा मुद्देमाल जप्त करण्यात आला आहे. मास रेडची माहिती खालील प्रमाणे आहे.
