भोकर l दरवर्षी ” जागतिक स्तनपान सप्ताह ” दि. 1 ते 6 ऑगस्ट 2025 या कालावधीत राबविण्यात येत आहे. जिल्हाधिकारी नांदेड मा. राहुल कर्डीले सर, मा. मेघना कावली मॅडम, मुख्य कार्यकारी अधिकारी जिल्हा परिषद नांदेड,मा. डॉ संजय पेरके सर जिल्हा शल्य चिकित्सक नांदेड, मा. डॉ. संगीता देशमुख मॅडम जिल्हा आरोग्य अधिकारी नांदेड, मा. डॉ. राजाभाऊ बुट्टे सर निवासी वैद्यकीय अधिकारी नांदेड, नोडल अधिकारी मा. डॉ. हनुमंत पाटील सर यांच्या मार्गदर्शनानुसार व मा. डॉ. प्रताप चव्हाण सर वैद्यकीय अधिक्षक ग्रामीण रुग्णालय भोकर यांच्या नियोजनानुसार ” जागतिक स्तनपान सप्ताह ” साजरा करण्यात आला.
आई आणि बालकाच्या आरोग्यासाठी स्तनपानाचे महत्व अधोरेखित करणे हा या सप्ताहाचा मुख्य उद्देश आहे.
जागतिक आरोग्य संघटना (WHO) आणि युनिसेफ (UNICEF) यांनी शिफारस केल्यानुसार, जन्मानंतर पहिल्या तासात स्तनपान सुरू करणे आणि पहिले सहा महिने केवळ स्तनपान करणे बालकाच्या सर्वांगीण वाढीसाठी आणि विकासासाठी अत्यंत महत्त्वाचे आहे. त्यानंतर, दोन वर्षांपर्यंत किंवा त्याहून अधिक काळ पूरक आहारासोबत स्तनपान सुरू ठेवण्याचा सल्ला दिला जातो.
स्तनपानाचे फायदे केवळ बालकापुरते मर्यादित नाहीत, तर ते मातेसाठीही तितकेच महत्त्वाचे आहेत. स्तनपानामुळे मातेमध्ये प्रसूतीनंतर होणारा रक्तस्राव कमी होतो, गर्भाशयाला मूळ स्थितीत येण्यास मदत होते आणि काही विशिष्ट कर्करोगाचा धोका कमी होतो. बालकांसाठी, स्तनपान हे रोगप्रतिकारशक्ती वाढवते, संसर्गापासून संरक्षण देते, कुपोषण आणि अतिसाराचा धोका कमी करते.
” जागतिक स्तनपान सप्ताह ” बाबत मा. डॉ. सविता कांबळे मॅडम स्त्री रोग तज्ञ यांनी स्तनदा मातांना स्तनपान ची योग्य पद्धत व स्तनपानचे महत्व सांगून तसेच गरोदर मातांना योग्य आहारा बद्दल उपस्थित मातांना विस्तृत माहिती दिली. यावेळी श्रीमती राजश्री ब्राम्हणे इन्चार्ज सिस्टर, आरोग्य निरीक्षक सत्यजीत टिप्रेसवार, आरोग्य सेविका श्रीमती सरस्वती दिवटे, मुक्ता गुट्टे, संगीता पंदीलवाड,आरोग्य कर्मचारी नामदेव कंधारे, योगेश पवार, स्तनदा माता व गरोदर माता उपस्थित होत्या.
