नवीन नांदेड l दरवर्षी प्रमाणे याही वर्षी माझी केंद्रीय मंत्री तथा महाराष्ट्र राज्याचे माजी मुख्यमंत्री कै. शंकररावजी चव्हाण यांच्या जयंतीनिमित्त वडगाव येथील समाधी स्थळी अल्पभूधारक शेतकऱ्यांना पि.व्ही.सी.पाईपचे वाटप खासदार अशोकराव चव्हाण यांच्या हस्ते करण्यात आले या कार्यक्रमाचे आयोजन माजी मंडळ अध्यक्ष तथा प्रसिद्ध उद्योजक विनोद कांचनगिरे यांच्या वतीने करण्यात आले.
दरवर्षी प्रमाणे याही सहाव्या वर्षी माजी मुख्यमंत्री कै.शंकररावजी चव्हाण यांच्या जयंतीनिमित्त ऊधोजक विनोद कांचनगिरे यांच्या वतीने दहा अल्पभूधारक शेतकऱ्यांना पिव्हिसी पाईप वाटप करण्यात येत असतात.
याही वर्षी लोकनेते तथा माजी मुख्यमंत्री खासदार अशोकरावजी चव्हाण ,माजी आमदार अमिता चव्हाण,माजी पालकमंत्री डी.पी. सावंत, भाजपचे महानगराध्यक्ष तथा माजी आमदार अमरनाथ राजुरकर आणि भोकरचे आमदार श्रीजया ताई चव्हाण तसेच भाजपचे नांदेड जिल्ह्याचे सर्व पदाधिकारी कार्यकर्ते यांच्या उपस्थितीत 14 जुलै रोजी सकाळी नऊ वाजता वडगाव समाधी ्थळीं अल्पभूधारक शेतकरी देविदास मस्के, नागोराव पवार,चंद्रकांत राजेवार,शिवा नरडिले ,संतोष बरकले, संतोष देशमुख,धुतराज गवई, साहेबराव बारसे, राहटीकर पांडे, शशिकांत हटकर यांना देण्यात आले.
यावेळी माजी नगरसेविका ललिता शिंदे,संतोष कांचनगिरे,माजी नगरसेवक अशोक मोरे, भि.ना.गायकवाड, दलित मित्र नारायण कौलंबीकर डॉ.नरेश रायेवार यांच्या सह पदाधिकारी व कार्यकर्ते उपस्थित होते,या उपक्रमाचे अनेकांनी कौतुक करून अभिनंदन केले आहे.
