नांदेड| गेल्या पाच वर्षांपासून राज्यपाल नियुक्त विधानपरिषद आमदारकीची नियुक्ती रखडली होती. अखेर विधानसभा निवडणुकीपुर्वी या नियुक्तीला मंगळवारी मुहूर्त मिळाला असून, १२ पैकी ७ जणांची नियुक्ती करण्यात आली आहे. यात हिंगोलीचे माजी खासदार हेमंत पाटील यांनाही आमदारकी बहाल करण्यात आली असून, यातून त्यांचा राजकीय पुनर्वसन झाल्याने त्यांच्या कार्यकर्त्यांनी फटाके फोफावून पेढे वाटून आनंदोत्सव साजरा केला आहे.
मुख्यमंत्री एकनाथ शिंदे सरकारकडून राज्यपाल नियुक्त आमदारांची यादी तयार करण्यात आली होती. या आमदारांच्या नावांची यादी सोमवारी राज्यपालाकंडे पाठवण्यात आली. त्यानंतर रात्री उशिरा राज्यपालांनी या नावांना मंजुरी दिली. राज्यपाल नियुक्त सात आमदारांमध्ये भाजपकडून चित्रा वाघ, विक्रम पाटील, धर्मगुरु महाराज राठोड या तिघांना संधी देण्यात आली आहे. तर शिवसेनेकडून माजी खासदार हेमंत पाटील आणि मनीषा कायंदे आणि राष्ट्रवादीकडून इंद्रीस नायकवाडी, पंकज भुजबळ यांना राज्यपाल कोट्यातून आमदारकीची संधी देण्यात आली आहे.
हेमंत पाटील यांना हिंगोलीतून लोकसभेची उमेदवारी नाकारण्यात आली होती. त्यानंतर आता आमदारकी देऊन त्यांचे पुर्नवसन करण्यात आले आहे. महाराष्ट्रातील राज्यपाल नियुक्त आमदारांचा शपथविधी सोहळा मंगळवारी दुपारी १२ वाजता विधानभवनातील सेंट्रल हॉलमध्ये पार पडला. उपसभापती डॉ नीलम गोऱ्हे यांनी विधानपरिषद सदस्यांना शपथ दिली. हेमंत पाटील यांच्या नियुक्तीचा शिवसेना समर्थकांनी अतिषवाजी करून जल्लोष साजरा केला.
हिमायतनगर तालुक्यातील सरसम येथे मा. खासदार तथा हळद संशोधन केंद्राचे अध्यक्ष (मंत्री पदाचा दर्जा), शिवसेनेचे उपनेते हेमंतभाऊ पाटील यांची राज्यपाल नियुक्त – विधानपरीषदेच्या आमदार पदी निवड झाल्याबद्दल आणि शपथविधी घेतल्याबद्दल मा खासदार, आमदार यांचे हिमायतनगर तालुका जनसंपर्क अधिकारी गोविंद गोडसेलवार, बालाजीदा मंडलवाड, अमोल बास्टेवाड, संतोष रावते, जगदिश पानधोंडे, सुनिल दमकोंडवार, संदिप ढेमकेवाड, यांचेसह अनेकांची उपस्थिती होती. यावेळी फटाक्याची आतिषबाजी करून पेढे वाटून आनंदोत्सव साजरा करण्यात आला.