नवीन नांदेड| जिल्हा परिषद शिक्षक कॉलनी विकास नगर जुना कौठा येथे श्री बालाजी चॅरिटेबल ट्रस्ट तर्फे श्री बालाजी मंदिरामध्ये चौदाव्या ब्रह्मोत्सव निमित्ताने विविध धार्मिक कार्यक्रमाचे आयोजन ३ ते १२ आक्टोबर दरम्यान आयोजीत करण्यात आले आहे.
दरवर्षी प्रमाणे याही वर्षी मोठ्या उत्साहामध्ये व थाटामध्ये चौदाव्या ब्रम्होत्त्सव साजरा करण्यात येत असून तीन आक्टोंबर 2024 रोजी प्रतिपदा या दिवशी ब्रह्मोत्सवाला सुरुवात झाली सकाळी श्री बालाजींचा दररोज महाअभिषेक ,होम हवन व त्यानंतर गंगाळ वाटप गंगाळ प्रसादामध्ये विविध पदार्थ दररोज श्री बालाजींना भोग साठी साखर भात, खिरांन, चित्रांन,दहिभात,खिचडी, बुंदीचे लाडू,आधीचा समावेश असून दररोज सायंकाळी सहा वाजता श्री बालाजी पालखी उत्सव परिसरातील वेगवेगळ्या मार्गावरून परिक्रमा केली जाते.
सायंकाळी सात वाजून पंधरा मिनिटांना श्री बालाजीची महाआरती होते या महा आरतीला शहरातील मान्यवरांना बोलावून त्यांच्या हस्ते महाआरती करण्यात येते. रात्री दररोज वेगवेगळे भजनी मंडळ मार्फत भजन किर्तन केले जाते त्याशिवाय मुलांसाठी महिलांसाठी विविध खेळाचे आयोजन करण्यात आले आहे ,त्यांचे खेळ घेऊन बक्षीस वितरणही केल्या जाते. तसेच दुपारी दोन ते चार या वेळेत दररोज गोविंदा महिला भजनी मंडळ यांच्यातर्फे विष्णुसहस्रनाम कुमकुम अर्चना व सायंकाळी शहरातील नामकिंत भजन मंडळ यांच्या वतीने करण्यात आले आहे.
हा ब्रम्होत्त्सव यशस्वी करण्यासाठी विविध समित्या स्थापित केले आहेत ,दररोज पालखी उत्सव निमित्ताने परिक्रमा काढण्यात येत असून ११ आक्टोबर रोजी रात्री ८ हभप डॉ. वैशाली गोस्वामी याचे किर्तन आयोजित करण्यात आले आहे. सायंकाळी तर रथ यात्रा १२ आक्टोबर रोजी दुपारी ३ ते ६ मिरवणूक,व सायंकाळी ७.३० वाजता २५ फुट रावण दहन मंदीराच्या प्रागणांत माजी खासदार प्रतापराव पाटील चिखलीकर, नांदेड भाजपा महानगर शहराध्यक्ष दिलीप कंदकुर्ते, माजी नगरसेवक राजु काळे, राजु गोरे व मान्यवरांच्या उपस्थित आयोजित करण्यात आले आहे.
या ब्रम्होत्वासाचे आयोजक श्री बालाजी चॅरिटेबल ट्रस्ट विकास नगरचे संस्थापक अध्यक्ष विजय कुमार पवार, कार्यकारी अध्यक्ष उद्धवराव बसवदे पाटील,सचिव देवदत्त देशपांडे ,सहसचिव बाबाराव इबितवार,कोषाध्यक्ष उत्तमराव भाले ,सदस्य ॲड.गणेश कीर्तने, साई प्रसाद वरपडे ,गंगाधर बडवणे,हनमल्लु शकरवार,लक्ष्मीकांत मुक्कावार, कुमार लाल वाणी, पुरूषोतम सोनी,संजय भालके व सर्व समित्या प्रमुख समस्त विकास नगर यांनी केले आहे.