Vasavi Birthday Celebrated ; हिमायतनगर (वाढोणा) येथे उत्साहात वासवी जन्मोत्सव साजरा
हिमायतनगर। हिमायतनगर येथे माता वासवी जन्मोत्सव सोहळा अतिशय उत्साहात, मंगलमय वातावरणात येथील श्री परमेश्वर मंगल कार्यालयात साजरा करण्यात आला. यावेळी समाजातील जेष्ठांचा सत्कार व गुणवंत विद्यार्थ्यांचा गौरव करण्यात आला.
प्रतिवर्षी प्रमाणे याही वर्षी माता वासवी जन्मोत्सव निमित्ताने सकाळी 11.30 वाजता कुंकुम अर्चना करण्यात आले, त्या प्रसंगी साधारणतः 40 महिलांनी आपला सहभाग नोंदवला. कुंकुम अर्चना, आरती नंतर महिलांसाठी अल्पोपहार ठेवण्यात आला होता.
सायंकाळी प्रगत कार्यक्रमात भव्य अशा व्यासपीठावर माता वासवी कन्यका परमेश्वरी ची भव्य अशी प्रतिमा स्थापित करून पूजनाचा कार्यक्रम करण्यात आला. या प्रसंगी कार्यक्रमाचे अध्यक्ष मा. रविसेठ बंडेवार होते. प्रमुख पाहुणे प्रभाकरराव पत्तेवार, संतोषजी पिंपरवार, डॉ. पालिकोंडावर, मा. सुनीलजी व्यवहारे, गजानन तुप्तेवार, पोलिस निरीक्षक अमोल भगत आदी उपस्थित होते. प्र...