पोलीस भरती निःपक्षपातीपणे होत असुन उमेदवारांनी दलाला पासुन सावध रहावे – एसपी श्रीकृष्ण कोकाटे -NNL

नांदेड,अनिल मादसवार। नांदेड जिल्हा पोलीस भरती-२०२२-२३, साठी आवेदन अर्ज केलेल्या उमेदवारांना सुचना देण्यासंदर्भात आज पोलीस अधीक्षक श्रीकृष्ण कोकाटे यांनी पत्रकार परिषद घेऊन माहिती दिली आहे. युवकांनी कोणत्याही आमिषाला बळी न पडता भरती प्रक्रियेत सक्रिय सहभाग घ्यावा. पोलीस भरती निःपक्षपातीपणे व पारदर्शकपणाने होत असुन उमेदवारांनी दलाला पासुन सावध रहावे असे आवाहन त्यानी केले आहे.

नांदेड येथे पोलीस भरतीची मैदानी चाचणी दि.१९.०६.२०२४ ते ०३.०७.२०२४ पर्यंत पोलीस मुख्यालय, नांदेड येथे सकाळी ०५०० वाजता पासून राबविण्यात येणार आहे. भरती दरम्यान पावसामुळे एखादे दिवशी मैदानी चाचणी होऊ शकली नाही तर त्यांना पुढची सुयोग्य तारीख दिली जाईल याची उमेदवारांनी नोंद घ्यावी.

भारती काळात काही उमेदवारांना वेगवेगळया पदांकरीता एका पेक्षा जास्त ठिकाणी आणि एकच दिवशी मैदानी चाचणी करीता हजर राहण्याची सुचना प्राप्त झाली असेल अशा उमेदवारांना दुसरी तारीख दिली जाईल. भरती संदर्भात काही उमेदवारांना इतर अडचणी असल्यास त्याचे निरसन स्थानिक पातळीवर करण्यात येईल. उमेदवारांनी त्यांचे प्रवेशपत्रावर दिलेल्या १ ते १२ सुचनांचेकाटेकोरपणे पालन करावे.

पोलीस भरतीसाठी उपस्थित उमेदवारांची लघवी व रक्त तपासणी वैदयकीय तज्ञ यांचेकडुन करण्यात येणार असल्याने उत्तेजक व मादक पदार्थाचे सेंवन टाळावे, तसे आढळल्यास उमेदवार पुढील प्रकियेसाठी अपात्र ठरविला जाईल. पोलीस भरती करिता कोणत्याही गैरमार्गाचा अवलंब करु नये किंवा कोणत्याही अमिषाला बळी पडू नये.

लाच देणे किंवा लाच घेणेहे दोन्हीही कायदयाने गुन्हा असुन असे आढळुन आल्यास लाचलुचपत प्रतिबंध विभाग यांना टोल फ्री क्रं. १०६४ या क्रंमाकावर संर्पक करावा. पोलीस भरती संबंधाने कोणत्याही भुलथापांना व अफवांना बळी पडु नये अथवा अफवावर विश्वास ठेवू नये. १०) पोलीस भरती संबंधाने कोणतीही अफवा आढळुन आल्यास पोलीस नियत्रंण कक्ष, नांदेड येथे संर्पक करावा. पोलीस भरती ही निःपक्षपाती पणे व पारदर्शक पणाने होत असुन दलाला पासुन सावध रहावे असे आवाहन देखील यावेळी करण्यात आले.