Tag: Temple committee felicitated

हिमायतनगर, उत्कर्ष मदसवार| हिमायतनगर (वाढोणा) महाशिवरात्रीच्या पावन पर्वावर भाविकांना समभावाने व सुरळीत दर्शन मिळावे यासाठी उत्कृष्ट नियोजन केल्याबद्दल श्री परमेश्वर मंदिर येथील मंदिर समितीच्या कार्याचे सर्वत्र कौतुक होत आहे. मंदिर प्रशासनाने रांगा व्यवस्थापन, पाणी व फराळ व्यवस्था, सुरक्षा बंदोबस्त आणि स्वयंसेवकांची नियुक्ती आदी बाबींमध्ये केलेल्या नियोजनामुळे लाखो भाविकांचे दर्शन निर्विघ्न पार पडले. याबद्दल मंदिर कमिटीचे उपाध्यक्ष महावीरचंद श्रीश्रीमाळ यांचा सामाजिक कार्यकर्ते बंटी गुड्डेटवार यांच्या हस्ते पुष्पगुच्छ देऊन सत्कार व अभिनंदन करण्यात आले. यावेळी किशोर स्वामी, डॉ. राजेंद्र वानखेडे, गजानन तुपतेवार, मारोती हेंद्रे यांच्यासह मंदिर समितीचे सदस्य व अनेक भाविक उपस्थित होते. महाशिवरात्रीसारख्या मोठ्या धार्मिक उत्सवात केलेले शिस्तबद्ध नियोजन व सेवाभावामुळे भक्तांमध्ये समाधान व्...