Shiv Sena's Mashal will burn again -

हिमायतनगर, अनिल मादसवार| आज दिनांक 05 नोव्हेंबर 2025 रोजी हिंगोली लोकसभेचे खासदार नागेश पाटील आष्टीकर यांच्या मार्गदर्शनाखाली शिवसेना (उद्धव बाळासाहेब ठाकरे गट) तर्फे हिमायतनगर नगरपंचायत, जिल्हा परिषद आणि पंचायत समिती निवडणुकीसाठी इच्छुक उमेदवारांचे अर्ज व इच्छुकांच्या मुलाखतीचे आयोजन करण्यात आले होते. माजी नगराध्यक्ष कुणाल भाऊ राठोड यांनी नगराध्यक्ष पदासाठी इच्छुक म्हणून आपला अर्ज दाखल केला आहे. हिमायतनगर शहरातील बालाजी विद्यालयात आयोजित मुलखती कार्यक्रमास तालुकाभरातील शिवसेनेचे पदाधिकारी, कार्यकर्ते आणि संभाव्य उमेदवार मोठ्या संख्येने उपस्थित होते. खासदार नागेश पाटील आष्टीकर यांनी पक्ष संघटनेचे बळ वाढविण्यासाठी प्रत्येक कार्यकर्त्याने सक्रिय भूमिका बजावावी, तसेच स्थानिक स्वराज्य संस्थांच्या निवडणुकीत पक्षाची मशाल पुन्हा तेजोमय करण्यासाठी एकदिलाने प्रयत्न करावेत, असे आवाहन केले. याव...