otherwise there will be agitation -

नांदेड| राज्यात सुरू असलेल्या अर्थसंकल्पीय अधिवेशनाच्या पार्श्वभूमीवर ज्येष्ठ नागरिकांच्या प्रलंबित प्रश्नांकडे शासनाने तातडीने लक्ष द्यावे, अशी मागणी ज्येष्ठ नागरिक संघ फेडरेशन (फेस्कॉम) उत्तर मराठवाडा प्रादेशिक विभागाचे अध्यक्ष डॉ. हंसराज वैद्य यांनी केली आहे. ज्येष्ठांच्या मानधनासह विविध मागण्यांवर त्वरित निर्णय न झाल्यास राज्यभर तीव्र आंदोलन उभारण्याचा इशाराही त्यांनी दिला आहे. डॉ. वैद्य म्हणाले की, विधानमंडळाच्या अधिवेशनात अनेक आमदारांनी ज्येष्ठ नागरिकांच्या समस्यांची गंभीरता मांडली आहे. नाशिक येथे झालेल्या ३५व्या राज्यस्तरीय ज्येष्ठ नागरिक अधिवेशनात सर्वानुमते ठराव मंजूर करून शासनाकडे सादर करण्यात आला होता. त्या वेळी उपस्थित मंत्र्यांनीही सकारात्मक निर्णयाचे आश्वासन दिले होते. मात्र अद्याप कोणतीही ठोस कार्यवाही झालेली नाही, याबाबत त्यांनी नाराजी व्यक्त केली. राज्यातील ३६ जिल्ह्यांत...