on Illegal Sand Smugglers in Dharmabad -

धर्माबाद/म्हैसा| धर्माबाद परिसरातून तेलंगणा राज्यात अवैधरित्या वाळू वाहतूक करणाऱ्या तस्करांवर तेलंगणा पोलिसांनी धडक कारवाई करत दोन लॉरी, एक हायवा, एक जेसीबी आणि एक दुचाकी जप्त केली आहे. या प्रकरणी नऊ जणांना अटक करण्यात आली असून त्यापैकी पाच जणांना न्यायालयीन कोठडीत पाठविण्यात आले आहे. निर्मल जिल्ह्याचे अतिरिक्त पोलीस अधीक्षक साई किरण यांनी भैन्सा येथे आयोजित पत्रकार परिषदेत ही माहिती दिली. त्यांनी सांगितले की, निर्मल जिल्ह्याच्या पोलीस अधीक्षक जानकी शर्मिला यांच्या आदेशानुसार जिल्ह्यात अवैध वाळू वाहतूक व साठवणुकी विरोधात कठोर कारवाई सुरू आहे. या पार्श्वभूमीवर रविवारी दुपारी बासर पोलीस ठाण्याच्या हद्दीत पोलिसांनी सापळा रचून कारवाई केली. यावेळी धर्माबाद भागातून बासर व निजामाबादच्या दिशेने अवैधरीत्या वाळू वाहतूक केली जात असल्याचे निदर्शनास आले. पोलिसांनी तत्काळ कारवाई करत संबंधित वाहने ...