Baseball Sports Tournament : राष्ट्रीय शालेय बेसबॉल क्रीडा स्पर्धेचे उदघाटन; महाराष्ट्र संघाची विजयी सलामी
नांदेड| एकोणवीस वर्ष मुले मुली गटातील राष्ट्रीय शालेय बेसबॉल क्रीडा स्पर्धेचे (School Baseball Sports Tournament) बुधवारी सकाळी नांदेड येथील पिपल्स कॉलेजमध्ये शानदार उद्घाटन झाले. देशातील अनेक राज्यांच्या चमू या ठिकाणी सहभागी झाल्या असून क्रीडा प्रेमींनी या स्पर्धेचा लाभ घ्यावा, असे आवाहन जिल्हा क्रीडा अधिकारी जयकुमार टेंभरे यांनी केले आहे.
आयुक्त, क्रीडा व युवक सेवा संचालनालय, महाराष्ट्र राज्य, पुणे यांचे मान्यतेने जिल्हा क्रीडा परिषद, जिल्हा क्रीडा अधिकारी कार्यालय, नांदेड, महाराष्ट्र बेसबॉल असोसिएशन यांचे संयुक्त विद्यमाने सन 2024-25 या वर्षातील राष्ट्रीयस्तर शालेय बेसबॉल (19 वर्षे मुले-मुली) क्रीडा स्पर्धेचे आयोजन दि.14 ते 18 जानेवारी, 2025 या कालावधीत पिपल्स कॉलेज, नांदेड येथे करण्यात आले आहे. ऑलिंपिकवीर खाशाबा जाधव यांचा जन्मदिन दि.15 जानेवारी या राज्य क्रीडा दिनाचे औचीत्य साधून य...