Sikhs ; महानगरपालिकेत शीख धर्मियांसाठी ‘आनंद विवाह नोंदणी नियम २०२०’ ची अंमलबजावणी
नांदेड l महाराष्ट्र शासनाच्या २३ एप्रिल २०२० रोजीच्या राजपत्रात प्रसिद्ध झालेल्या 'महाराष्ट्र आनंद विवाह नोंदणी नियम, २०२०' च्या अनुषंगाने मनपा आयुक्त तथा प्रशासक डॉ. महेशकुमार डोईफोडे यांच्या पुढाकारातून महानगरपालिकेत आता शीख धर्मीयांसाठी आनंद विवाह नोंदणीची प्रक्रिया सुरू करण्यात आली आहे. या महत्त्वपूर्ण निर्णयामुळे शीख नागरिकांना त्यांच्या विवाह नोंदणीसाठी सुलभ आणि कायदेशीर मार्ग उपलब्ध होणार आहे.
आनंद विवाह अधिनियम, १९०९ अंतर्गत महाराष्ट्रात आनंद विवाह नोंदणी नियम, २०२० ची अंमलबजावणी करणे आणि शीख धर्मीयांना विवाह नोंदणी प्रमाणपत्र देण्यासाठी विवाह निबंधकांची नियुक्ती करणे आवश्यक होते. यासंदर्भात महानगरपालिकेने मनपा आयुक्त डॉ.महेशकुमार डोईफोडे यांच्या पुढाकारातून तसेच अतिरिक्त आयुक्त गिरीश कदम यांच्या मार्गदर्शनाखाली व उपायुक्त स.अजितपालसिंघ संधु यांच्या नियंत्रणात महापालिकेने योग्य ...