ओबीसी, व्हीजेएनटी व एसबीसी विद्यार्थ्यांकरिता ‘महाज्योती’तर्फे मोफत स्पर्धा परीक्षा प्रशिक्षणाची सुवर्ण संधी -NNL
लातूर| शासनाच्या महात्मा ज्योतिबा फुले संशोधन व प्रशिक्षण संस्था (महाज्योती), नागपूर या स्वायत्त संस्थेमार्फत राज्यातील इतर मागास वर्ग (ओबीसी), विमुक्त जाती-भटक्या जमाती (व्हीजेएनटी) व विशेष मागास प्रवर्ग (एस.बी.सी) तील विद्यार्थ्यांसाठी मोफत स्पर्धा परीक्षा प्रशिक्षण राबविण्यात येते. सन 2024-25 या वर्षातील स्पर्धा परीक्षा प्रशिक्षणासाठी महाज्योतीने अर्ज मागविण्याची प्रक्रिया 19 जून 2024 पासून सुरु केलेली आहे. हे अर्ज www.mahajyoti.org.in या संकेतस्थळावर 3 जुलै, 2024 पर्यंत स्वीकारण्यात येणार आहे. विद्यार्थ्यांनी या सुवर्ण संधीचा लाभ घेण्याचे आवाहन महाज्योतीचे व्यवस्थापकीय संचालक राजेश खवले यांनी प्रसिद्धी पत्रकाद्वारे केले आहे.
महाज्योतीमार्फत युपीएससी(UPSC) नागरी सेवा परीक्षा पूर्व प्रशिक्षण, एमपीएससी(MPSC) राज्यसेवा परीक्षा पूर्व प्रशिक्षण, एमपीएससी(MPSC) अभियांत्रिकी सेवा परीक्षा पू...