Dr. Savita Birge meeting ; गुणवत्ता विकासासाठी आदिवासी तालुक्यातील सीमावर्ती तांड्यास शिक्षणाधिकारी डॉ. सविता बिरगे यांची भेट – NNL
किनवट | परमेश्वर पेशवे....मराठवाडा सीमेवरील आदिवासी डोंगरी तालुक्यातील शेवटचं टोक असलेल्या सक्रूनाईक तांडा येथील जिल्हा परिषद प्राथमिक शाळेला विद्यार्थी गुणवत्ता विकास अभियानांतर्गत प्राथमिक विभागाच्या शिक्षणाधिकारी डॉ. सविता बिरगे यांच्या पथकाने भेट देवून गुणवत्तेची पडताळणी केली. दिलेल्या मार्गदर्शक सूचनांनुसार नियोजन करून रजिस्टर अद्ययावत ठेवण्याच्या सूचना करण्यात आल्या. दुर्गम भागातील वाडी-तांड्यावरील बालके चुटूचुटू उत्तरे देऊ लागल्याने व शालेय कामकाज पाहून संबंधित पथकाने समाधान व्यक्त केले.
राज्याच्या शालेय शिक्षण विभागाने विद्यार्थ्यांस गुणवत्तापूर्ण दर्जाचे शिक्षण मिळते की नाही याची पडताळणी करण्यासाठी विद्यार्थी गुणवत्ता विकास अभियान दि.१ ते ३१ ऑगस्ट दरम्यान राबविण्याचे ठरविले असून याच पार्श्वभूमीवर नांदेड जिल्हा परिषदेच्या प्राथमिक विभागाच्या शिक्षणाधिकारी डॉ. सविता बिरगे, ...