Dhamma Chakra Promotion Day ; एसटी मध्यवर्ती बसस्थानक नांदेड येथे धम्मचक्र प्रवर्तन दिन मोठ्या उत्साहात साजरा – NNL
नांदेड| महाराष्ट्र राज्य मार्ग परिवहन महामंडळ (एसटी डेपो) नांदेड आगाराच्या मध्यवर्ती बसस्थानकात 68 वा धम्मचक्र प्रवर्तन दिन आगार कामगार- कर्मचार्यांच्यावतीने मोठ्या हर्षोल्हासात साजरा करण्यात आला. सर्वप्रथम बसस्थानक प्रमुख यासीन हमीद खान यांच्या हस्ते भारतरत्न, संविधानाचे जनक, क्रांतीसूर्य, बहुजनोद्धारक, प.पू. डॉ. बाबासाहेब आंबेडकर यांच्या प्रतिमेचे पूजन करुन पुष्पमाला अर्पण करुन अभिवादन करण्यात आले. तद्नंतर या कार्यक्रमाचे मुख्य संयोजक तथा वाहतुक नियंत्रक राजकुमार कांबळे, विजयकुमार आढाव यांनी सामूहिकरित्या बुद्धवंदना घेतली.
या कार्यक्रमाचे प्रास्ताविक व सुत्रसंचालन एसटी मेकॅनिक तथा महाराष्ट्र शासन पुरस्कार प्राप्त सामाजिक कार्यकर्ते गुणवंत एच. मिसलवाड यांनी केले. ते प्रास्ताविकपर बोलताना आपल्या भाषणात म्हणाले की, तथागत भगवान गौतम बुद्धांनी पंचवर्गीय भिक्खुंना धम्मोपदेश देत प्रथम धम्मप...