Lokhandwadi Women Aggressive : अनधिकृतपणे रसायन मिश्चित हातभट्टी, देशी दारू विकणाऱ्यांवरील कार्यवाहीसाठी लोखंडवाडीच्या महिला आक्रमक
किनवट, परमेश्वर पेशवे| नांदेडच्या किनवट तालुक्यातील रसायन मिश्रित बनावट हातभट्टी दारू व देशी दारूची अनाधिकृतपणे विक्री केली जात असल्याने या गावातील दहा वर्षाच्या मुलापासून ते युवा तरुण पिढी दारूच्या व्यसनी होऊन अनेकांचे संसार उघड्यावर येत आहेत तर अशा या रसायन मिश्रित हातभट्टी दारूमुळे व देशी दारूमुळे अनेक युवकांचा मृत्यू झाला आहे. त्यामुळे या गावातील रसायन मिश्रित हातभट्टी दारू व देशी दारू अनधिकृतपणे विक्री करणाऱ्यांवर कारवाई करावी अशी मागणी करत संतप्त झालेल्या महिलांनी इस्लापूर पोलीस ठाणे येथे येऊन अनाधिकृतपणे दारू विकणाऱ्या वर कारवाई करण्याची मागणी केली आहे.
इस्लापूर पोलीस ठाणे अंतर्गत येणाऱ्या लोखंडवाडी या आदिवासी गावात मागील सात वर्षापासून गावठी रसायन मिश्चित हातभट्टी दारू व देशी दारू बंद होती परंतु काहींनी पुन्हा सुरू केल्यामुळे येथील विक्री करणाऱ्यांचे प्रमाण दिवसेंदिवस वाढले असून...
