as a special matter at Hanegaon -

नांदेड। देगलूर तालुक्यातील हणेगाव येथील आरोग्य केंद्राला ग्रामीण रुग्णालयाचा दर्जा देवून या रुग्णालयात 30 खाटांचा समावेश करावा, यासाठी गावच्या सरपंच सौ.शारदादेवी शंकरराव राठोड यांच्या मागणीचा आ. राम पाटील रातोळीकर यांनी शासनाकडे सातत्यपूर्ण पाठपुरावा केल्याने शासनाने अखेर या गावाला विशेष बाब म्हणून 30 खाटांच्या ग्रामीण रुग्णालयास तत्वतः मान्यता दिली आहे. आ. रातोळीकरांनी केलेल्या प्रयत्नांना यश आल्याबद्दल सरपंचासह ग्रामस्थांनी त्यांचे आभार मानले आहेत. हणेगांव ता.देगलूर हे गांव महाराष्ट्र, तेलंगणा व कर्नाटक या तीन राज्यांच्या सिमावर्ती भागातील 15 हजार लोकवस्तीचे एक मोठे गांव आहे. या परिसरातील सुमारे 40-45 खेडेगावांचे हे मध्यवती ठिकाण आहे. रुग्णांच्या उपचारासाठी प्राथमिक आरोग्य केंद्र असले तरी या केंद्रात अपुर्या सोयीसुविधा असल्यामुळे येथील रुग्णांची प्रचंड हेळसांड होत असल्याने या आरोग्य क...