नांदेड l स्वच्छ भारतासाठी स्वयं प्रेराणा आणि सामूहिक कृतीला बळकटी देण्यासाठी 2017 पासून वार्षीक स्वच्छता ही सेवा (SHS) पंधरवाडा साजरा केला जातो. केंद्रे शासनाच्या सुचनानुसार याही वर्षीही दि.17 सप्टेंबर, 2025 ते दि.02 ऑक्टोबर, 2025 या दरम्यान स्वच्छता ही सेवा (SHS) पंधरवाडा आयोजित करण्यात आला असून या वर्षी “स्वच्छोत्सव-स्वच्छता ही सेवा-2025” नामे हे अभियान राबविण्यात येत आहे.
त्याअनुषंगाने आज दि.29 सप्टेंबर 25 रोजी सकाळी 08. ते 09 वा श्री छत्रपती शिवाजी महाराज यांच्या पुतळा सिडको येथे डॉ. महेशकुमार डोईफोडे मा आयुक्त मनपा, गिरीश कदम अतिरीक्त आयुक्त, नितीन दशरथ गाढवे उप आयुक्त यांच्या मार्गदर्शना खाली स्वच्छता ही सेवा (SHS) -2025 या अभियान अंतर्गत सखोल स्वच्छता मोहीम व सामूहिक स्वच्छता शपथ घेण्यात आली. सदरील अभियानात अभियानाचे समन्वय अधिकारी, मिर्झा फरहतुल्लाह बेग, क्षेत्रिय अधिकारी, क्षेत्रिय कार्यालय क्रं.06 मनपा नांदेड यांच्यासह गुलाम मोहम्मद सादेख मनपा उप आयुक्त, शहरातील स्वच्छता प्रेमी नागरिक व प्रभाग क्रं.11 ते 20 चे स्वच्छता निरीक्षक, शहरतील प्रतिष्ठित नागरिक आणि महानगरपालिकेतील अधिकारी/ कर्मचारी व स्वच्छता कर्मचारी सहभागी होते.
