हिमायतनगर| नाभिक समाजाचे आराध्य दैवत संत शिरोमणी सेना महाराज यांच्या पुण्यतिथी निमित्ताने श्री परमेश्वर मंदिरात भव्य महाप्रसादाचे आयोजन करण्यात आले होते. तत्पूर्वी सभागृहात संत सेना महाराजांच्या प्रतिमेला पैशापगार अर्पण करून अभिवादन करण्यात आले.
संत शिरोमणी सेना महाराज यांच्या पुण्यतिथी निमित्त दिनांक 31 ऑगस्ट रोजी महाराष्ट्र नाभिक महामंडळ तालुका शाखेच्या वतीने श्री परमेश्वर मंदिरात आयोजित कार्यक्रमाच्या अध्यक्षस्थानी मंदिर कमिटीचे उपाध्यक्ष महावीर शेठ श्रीश्रीमाळ होते. तर प्रमुख पाहुणे म्हणून माजी नगराध्यक्ष कुणाल राठोड, ओबीसी नेते दिलीप राठोड, शिक्षक सचिन कळसे यांची उपस्थिती होती. कार्यक्रमाच्या सुरुवातीला प्रमुख मान्यवरांच्या उपस्थितीत श्री संत सेना महाराज यांच्या प्रतिमेतला पुष्पहार अर्पण करून अभिवादन करण्यात आले.
यावेळी उपस्थित नाभिक समाज बांधवांना मार्गदर्शन करताना महावीर शेठ श्रीश्रीमाळ म्हणाले कि, नवतरुण युवकांनी पिढीजात व्यवसाय करताना व्यसनापासून दूर राहून आपल्या कुटुंबाची आर्थिक उन्नती कशी करता येईल याकडे लक्ष द्यायाला हवे असे आवाहन केले. माजी नगराध्यक्ष कुणाल राठोड यांनी नाभिक समाज बांधवांच्या संत शिरोमणी सेना महाराज मंदिर व सभागृहासाठी नियोजित जागा देऊन येणाऱ्या काळात मंदिर उभारू असे आश्वासन दिले. त्याबद्दल हिमायतनगर महाराष्ट्र नाभिक महामंडळाच्या वतीने त्यांचे आभार मानण्यात आले.
यावेळी महाराष्ट्र नाभिक महामंडळाचे नरसय्या अण्णा गंधम, व्यंकट अण्णा गंधम, प्रकाश घुंगरे, चंद्रकांत कळसे, रमेश लिंगमपल्ले, साहेबराव शिंदे,सचिन कळसे, तालुका अध्यक्ष गजानन चायल, उपाध्यक्ष नागेश शिंदे, रवी जोनापल्ले, गणेश वाघमबरे, राजू सुरजवाड, दत्ता सोळंके, अवधूत गायकवाड, ज्ञानेश्वर लिंगमपल्ले, आनंद गायकवाड, श्रीकांत घुंगरे, गोपाळ घुंगरे,तुकाराम पवार, सुनील शिंदे,अंकुश शिंदे, राजेश्वर लिंगमपल्ले, ज्ञानेश्वर सोळंके, चंद्रकांत सुरजवाड , बालाजी शिंदे ,वैभव घुंगरे आदींसह अनेकांची उपस्थिती होती.