BJP News : भाजपा सिडको मंडळात संकल्प से सिध्दी तर्फे कार्यशाळा संपन्न
Workshop conducted by Sankalp Se Siddhi at BJP CIDCO Mandal नवीन नांदेड| पंतप्रधान मोदी सरकारच्या विकास, सुशासन आणि गरिबांच्या कल्याणा साठी समर्पित सेवेच्या ११ वर्षांच्या स्मरणार्थ भाजपा सिडकोमंडळात “संकल्प से सिद्धी तक” कार्यशाळेचे आयोजन करण्यात आले. कार्यक्रमाची सुरुवात जनसंघाचे संस्थापक स्व. श्यामाप्रसाद मुखर्जी यांच्या प्रतिमा पूजनाने करण्यात आली.
कार्यक्रमाच्या सुरुवातीला माजी अध्यक्ष प्रविण साले यांनी २०१४ मध्ये, पंतप्रधान नरेंद्र मोदी यांनी नवीन भारत निर्माण करण्याचे वचन दिले होते आणि ११ वर्षांत, त्या वचनांची पूर्तता झाली आहे हे सांगून आर्थिक, सामाजिक सांस्कृतिक परिवर्तन प्रत्येक क्षेत्रात दिसून येत आहे व २०१४ पूर्वीच्या आणि २०१४ नंतरच्या भारतामधील फरक स्पष्ट आहे असे नमूद केले. त्यानंतर प्रा.नंदू कुलकर्णी यांनी १९७५च्या आणीबाणीच्या काळ्या वारशा बद्दलची माहिती उपस्थिती तांना सांगून २५ जून १९७५ रोजी काँग्रेसने दडपलेल्या लोकशाहीचे , निष्पापांना तुरुंगात टाकून छळलेल्या काळ्या अध्ययाबद्दल माहिती दिली.
तर पुढे जनार्दन ठाकूर यांनी श्यामाप्रसाद मुखर्जी यांच्या हौतात्म्यावर प्रकाश टाकून 370 कलम रद्द करण्यासाठीचे व एक देश, एक विधान,एक प्रधान व एक संविधान यासाठीचे त्यांचे कार्य यावर प्रकाश टाकला कार्यक्रमाच्या शेवटी अध्यक्षीय समारोप करताना भाजपा महानगर जिल्हाध्यक्ष अमरभाऊ राजूरकर यांनी खरोखरच भारतीय जनता पार्टी संघर्षातून उभा राहिलेला पक्ष असून यामध्ये काम करणारे सर्व देशभक्त निःस्वार्थपणे आजपर्यंत कार्य करत आहे याचा मलाही भाजपात प्रवेश केल्यानंतर अनुभव आला म्हणूनच भाजप हा देशभक्तांचा पक्ष असल्याचे नमूद केले.
यावेळी मंचावर महानगर जिल्हाध्यक्ष अमरभाऊ राजूरकर, जनार्दन ठाकूर,प्रा.नंदू कुलकर्णी, प्रवीणभाऊ साले, डाॅ.सचिन उमरेकर, शीतलभाऊ खांडील,शीतलताई भालके, सिडको मंडळाध्यक्ष सचिन रावका, धीरज स्वामी,सिद्धार्थ धूतराज यांची उपस्थिती होती. तसेच कार्यक्रमाला अनिलसिंग हजारी, प्रभाकर पेटकर, डॉ.नरेश रायेवार,राज यादव, सौ.विजयाताई गोडघासे भि.ना.गायकवाड,सतीश बसवदे, नीरज चव्हाण,नरेंद्रसिंह बैस,राजू आंबेकर,राजू लांडगे प्रल्हाद टेहरे यांनी आवर्जून उपस्थिती लावली. कार्यक्रमाचे प्रास्ताविक सिडको मंडळ संयोजक धीरज स्वामी यांनी केले तर सूत्रसंचलन जिल्हा सहसंयोजक सिद्धार्थ धूतराज व आभार प्रदर्शन सिडको मंडळाध्यक्ष सचिन रावका यांनी केले.
