Jai Maharashtra Ganesh Mandal ; बळीरामपूर चा जय महाराष्ट्र गणेश मंडळाचा ऑपरेशन सिंदूर व जय महालक्ष्मीचा नृसिंह देखाव्याचे श्री विसर्जन मिरवणूक मध्ये आकर्षण
नवीन नांदेड l सिडको हडको परिसरातून निघालेल्या श्री गणेश विसर्जन मिरवणुकीत बळीरामपूर चा जय महाराष्ट्र गणेश मंडळाचा ऑपरेशन सिंदूर व जय महालक्ष्मी मंडळाच्या नृसिंह देखावा आकर्षण ठरला होता , सादरीकरण नंतर भारत माता की जय, वंदे मातरम् या घोषणांनी व गणपती बाप्पा मोरया मंगल मूर्ती पुढच्या वर्षी लवकर या या घोषणांनी परिसर दणाणून गेला, यावेळी रस्त्यावरील दुतर्फा महिला युवक नागरिक यांनी टाळ्यांचा गजरात स्वागत केले तर अनेक ठिकाणी फटाक्यांची आतषबाजी मध्ये स्वागत करून कलाकारांना प्रोत्साहन दिले.
सिडको हडको परिसरातून श्री गणेश विसर्जन भव्य मिरवणुकीचे आयोजन दरवर्षी प्रमाणे याही वर्षी करण्यात आले यावेळी सहभागी झालेल्या बळीरामपूर येथिल जय महाराष्ट्र गणेश मंडळाने नुकत्याच पहलगाम येथील झालेल्या हल्ल्यात मृत्यू मुखी पडलेल्या नागरिकांना श्रध्दांजली अर्पण करीत एक उत्तम देखावा सादर केला होता.
देशभक्तीचा संदेश दिला असून यात अध्यक्ष गौरव जकवाड, उपाध्यक्ष गणेश पोलसवार, सचिव गणेश सिरमेवार, व वेळोवेळी मार्गदर्शन करणारे व सहकार्य भुमिका करणारे शिवा मध्यमवार, आकाश अमृतवार सदस्य श्याम म्यानेवार, भारत म्यानेवार, सोमेश सिरमेवार, रुपेश सब्बनवार, रामा गुज्जरवार, साई माडेवार, ज्ञानेश्वर कदम, संतोष अलसटवार,रुपेश येमेवार यांनी परिश्रम घेतले.
जय व्यंकटेश महालक्ष्मी गणेश मंडळ, पावरलूम शेड नंबर चार, बळीरामपूर नांदेड यांच्या वतीने भगवान नरसिंह अवताराचा,आणि भक्त प्रल्हाद देखावा सादर करण्यात आला होता.
यामध्ये मुख्य कलाकाराची भूमिका रोहित मॅनेटवार, श्रीराम तीप्पणवार, ओम कॅरमकुंडेवार, बालाजी मंगलपेल्ली, गणेश आडपवार, नरेश मॅनेटवार यांनी केली होती. हा देखावा यशस्वी होण्यासाठी गणेश मंडळातर्फे सर्व कार्यकर्त्यांनी प्रयत्न केले होते,विशेषत ज्ञानेश्वर अनंतवार, हरिओम दासेवार, नारायण आलसटवार इत्यादींनी विशेष सहकार्य केले.
कार्यक्रम सुत्रसंचलन माजी सरपंच नागोराव अंबटवार यांनी केले.श्री विसर्जन मिरवणूक सहभागी झालेल्या दुतर्फा महिला युवक नागरीक, यांनी टाळ्यांचा गजरात छाकी व कलाकारांचे अभिनंदन केले तर अनेकांनी छाकीचे मोबाईल मध्ये छायाचित्रणं केले. दोन्ही गणेश मंडळालाचा सादरीकरण ठिकाणी पोलीस निरीक्षक ओमकांत चिंचोलकर यांनी कडेकोट पोलिस बंदोबस्त ठेवला होता.
