हिमायतनगरअनिल मादसवार। बांगलादेशात अल्पसंख्यांक हिंदूवर तेथील धर्मांध लोकांकडून होत असलेल्या अत्याचार विरोधात दि.17 शनिवारी हिमायतनगर शहर व तालुका कडकडीत बंद ठेवण्यात आला. यावेळी शहरातील मुख्य रस्त्याने हाथी निषेधाचे फलक घेऊन युवकांची रैली काढण्यात आली. हा बंद यशस्वी करण्यासाठी सकल हिंदूवादी युवकांनी मोठ्या संख्येने सहभाग घेतला होता.
मागील काही दिवसापूर्वी बांगलादेशाचे सरकार पायउतार झाल्यानंतर बांगलादेशात असलेल्या अल्पसंख्यांक हिंदूवर तेथील धर्मांध लोकांनी अनन्वित अत्याचार सुरु केले आहे. त्यामुळे येथील हिंदूंचे जीवन नरकमय झाले असून, हिंदू महिला माता भगिनींवर अतोनात अत्याचार होत आहेत. या घटनेच्या विरोधात तमाम महाराष्ट्रातील हिंदू बांधव आपसातील जाती – धर्म भेद सोडून एकवटला आहे. तिथे होत असलेल्या अत्याचाराच्या निषधार्थ दिनांक 17 ऑगस्ट रोज शनिवारी हिमायतनगर शहर व तालुका कडकडीत बंद पाळण्यात आला. शहरातील श्री परमेश्वर मंदिराजवळ युवकांनी एकत्र येऊन घटनेचा निषेध नोंदविला.
त्यानंतर शहरातील मुख्य रत्स्याने भव्य रैली काढली. यात अनेक युवकांनी हाथी निषेधाचे फलक घेऊन हर हिंदू कि यही पुकार… बंद करो ये अत्याचार… यासह विविध प्रकारचे घोषणा देत हिंदू समाजाला जागृत करण्याचा प्रयत्न केला. रैली परत आल्यानंतर राष्ट्रगीताने समारोप करून याबाबतचे निवेदन पोलीस निरीक्षक अमल भगत याना देण्यात आले. हिमायतनगर शहरासह तालुका बंदचे आवाहन सकल हिंदू समाजातर्फे करण्यात आल्याने शनिवार बंदला शहरातील व्यापाऱ्यांनी आपली प्रतिष्ठाने, दुकाने, शैक्षणिक संस्था, कोचिंग क्लासेस, हॉटेल, भाजी फळ मार्केट, ॲटो युनियन सर्वांनी आपले व्यवहार दिवसभर कडकडीत बंद ठेवून बंदमध्ये सहभाग नोंदविला होता. त्याबाबदल सर्वांचे आभार मानण्यात आले.