नांदेड। नूतन पोलिस अधीक्षक अबिनाश कुमार यांनी सर्व पोस्टे स्वाधीन अधीकारी नांदेड जिल्हा यांना अवैध धंद्यावर कार्यवाही करण्याचे सक्त आदेश दिले होते. त्यावरून बिलोली पोलीसांनी अवैध धंदद्यावर छापा मारून 1,38,990/-रू चा गुटखा जप्त केला आहे.
त्या अनुषंगाने दिनांक 18.08.2024 रोजी सपोनि ज्ञानेश्वर शिंदे, पोस्टे बिलोली हे स्वतः व पोउपनि दिलीप मुंडे, पोहेकों मारोती मुद्देमवार, पोकों घोंगडे, जळकोटे, विदयमवार, मपोशि सोळंके, होमगार्ड येडके, भालेराव असे पोस्टे बिलोली हध्दीतील अवैध धंद्यावर करवाई करणे करीता शासकीय वाहनांने जात असतांना, गस्त करीत असतांना जुना बसस्थानक बिलोली येथे आले.
यावेळी त्यांना गुप्त बातमीदारांकडुन माहीती मिळाली की, बिलोली शहरामधील कुंडलवाडी रोडवरील नासीर पानशॉप या पानपट्टीवर एक इसम हा आपल्या ताब्यात विना परवाना बेकायदेशिररीत्या महाराष्ट्र शासनाने प्रतिबंधीत केलेला व आरोग्यास हानीकारक असलेला विवीध कंपणीचा गुटखा विक्री करत असुन त्याचे घराचे ओसरीत गुटख्याच्या गोण्या ठेवलेल्या आहेत. अशी खात्रीशिरी माहिती मिळाल्याने दोन पंच सोबत घेवुन सदर ठिकाणी छापा मारला असता त्याचे ताब्यातुन विवीध कंपणीचा गुटखा किंमती 1.38,990/- रू चा माल मिळुन आला.
सदर व्यक्तीचे नाव गाव विचारता त्याने आपले नाव अब्दुल नासीर अब्दुल रज्जाक, वय 50 वर्षे, व्यवसाय पान स्टॉल रा. वार्ड नंबर-2 छोटी गल्ली, बिलोली असे सांगीतले असुन, सदर गुटखा जप्त करून पोस्टेला आणुन पोउपनि श्री दिलीप भानुदास मुंडे, यांनी सरकातर्फे फिर्यादी दिल्याने पोस्टे बिलोली गुरन 203/2024 कलम 123, 223, 275 भा.न्या.सं-2023 सह कलम अन्न सुरक्षा मानदे कायदा 2006 चे कलम 26 (2). (1), 26(2). (4).27(3). (ई), 3 (ई), (आय), (झेड), 30(2) सह कलम 59 नुसार गुन्हा दाखल करण्यात आला आहे. आरोपीस ताब्यात घेतले असुन त्याची वैद्यकीय तपासणी करून उद्या दिनांक 19.08.2024 रोजी पोलीस कस्टडी रिमांड घेत आहोत.
सदरची कामगीरी मा. श्री अबिनाश कुमार, पोलीस अधीक्षक नांदेड, मा. श्री खंडेराय धरणे, अपर पोलीस अधीक्षक भोकर, मा. श्री सुरज गुरव, अपर पोलीस अधीक्षक नांदेड, मा. श्री संकेत गोसावी, उपविभागीय पोलीस अधीकारी देगलुर चार्ज बिलोली, यांचे मार्गदर्शनाखाली सहा. पोलीस निरीक्षक ज्ञानेश्वर शिंदे, पोउपनि दिलीप मुंडे, पोहेकॉ मुददेमवार, पोकों व्यंकट घोंगडे, जळकोटे, विदयमवार, मपोशि सोळंके, होमगार्ड येडके, भालेराव यांनी चांगली कामगीरी केलेली आहे. वरिष्ठांनी त्यांचे अभिनंदन केले आहे.
