हिमायतनगर| जर्मनीच्या अग्रगण्य ऑटोमोबाईल कंपनीमध्ये उच्च पदावर नोकरी करणाऱ्या हिमायतनगर येथील आशिष संजय भोरे या नवतरुण युवकांस जर्मनीच्या वुर्थ इंडिया प्रायव्हेट लिमिटेड कडून विदेश वारीसाठी पाठविण्यात आले आहे. भोरे कुटुंबातील पहिलाच तरुण विदेशवारी करणार असल्यामुळे आशिष चे सर्व स्तरातून अभिनंदन होत आहे.
जर्मन वुर्थ ऑटोमोबाईल इंडिया प्रायव्हेट लिमिटेड या कंपनीचे जाळे सध्या महाराष्ट्रतील नांदेड, परभणी सह हिंगोली जिल्ह्यांमध्ये मोठ्या प्रमाणात पसरले आहे. या कंपनीमध्ये हिमायतनगरचे भूमिपुत्र आशिष संजय भोरे हे मागील दोन वर्षापासून एरिया मॅनेजर या पदावर कार्यरत आहे. त्यांच्या कामाची उत्कृष्ट दखल म्हणून कंपनी कडून त्यांना यावर्षीच्या विदेश वारीसाठी निवड करण्यात आली आहे. दिनांक 17 जुलै ते 24 जुलै या दरम्यान विदेशातील कजाकिस्तानच्या दौऱ्यासाठी आशिषची निवड झाली आली.
सीनियर मॅनेजर योगेश सोनवले, रीजनल मॅनेजर धीरज दली यांच्या मार्गदर्शनाखाली नांदेड परभणी हिंगोली जिल्ह्याची एरिया मॅनेजर आशिष भोरे यांनी मार्केटिंग क्षेत्रात कंपनीला भरघोस उत्पन्न मिळून दिले. येणाऱ्या काळात अशीच प्रगती व्हावी. मार्केटिंग क्षेत्राचा अनुभव मिळावा म्हणून विदेश वारीसाठी पंधरा दिवसाचे बक्षीस देऊन त्यांचा सन्मान करण्यात आला. त्यांच्या विदेश वारीमुळे भोरे कुटुंबातील हा पहिलाच तरुण विदेशात जात असल्यामुळे वडील संजय भोरे, आत्या ज्योती कंठे, आई संगीता भोरे, काका पत्रकार अनिल भोरे तथा सर्व पत्रकार बांधव, शिक्षक, बालमित्र व त्यांच्या नातलगांनी त्यांचे अभिनंदन करून विदेशवारीसाठी शुभेच्छा दिल्या आहेत.
