वडगाव/पोटा| राजश्री शाहू ज्येष्ठ साहित्यिक व कलावंत मानधन सन्मान योजना ही महाराष्ट्रातील वयोवृद्ध साहित्यिक ज्येष्ठ कलावंत यांना पर्यटन व सांस्कृतिक कार्य विभाग महाराष्ट्र शासन यांच्याकडून मानधन दिल्या जाते. परंतु पर्यटन व सांस्कृतिक कार्य विभाग महाराष्ट्र शासन यांनी शासन निर्णय दिनांक 16 मार्च 2024 रोजी काढून सदर मानधन योजनेमध्ये सुधारणा करण्यात येऊन जिल्हास्तरीय समितीचे अध्यक्ष माननीय जिल्हाधिकारी असून उपमुख्य कार्यकारी अधिकारी पंचायत सदस्य सचिव आहेत.
परंतु शासन निर्णय दिनांक 7 फेब्रुवारी 2024 व शासन निर्णय दिनांक 16 मार्च 2024 यामध्ये जिल्हास्तरीय समिती कोणती ठेवावी याबाबत स्पष्टता नाही त्यामुळे दिनांक 16 मार्च 2024 काढलेला शासन निर्णय रद्द करून ही योजना पंचायत विभागाकडे वर्ग न करता समाज कल्याण विभागाकडे ठेवण्यात यावी अशी मागणी पारंपारिक शाहीर लोककला संवर्धन मंडळ महाराष्ट्र राज्य संस्थापक अध्यक्ष त्रिरत्न कुमार भवरे व बहुजन टायगर फोर्सचे हिमायतनगर तालुका सचिव पांडुरंग मिरासे यांनी एका लेखी निवेदनाद्वारे आवर सचिव सांस्कृतिक कार्य विभाग महाराष्ट्र शासन सांस्कृतिक कार्य संचालन मुंबई यांच्याकडे केली आहे.
16 मार्च 2024 रोजी काढलेल्या शासन निर्णयामध्ये राजश्री शाहू महाराज ज्येष्ठ साहित्यिक व कलावंत यांना मानधन सन्मान योजना पंचायत विभागाकडे वर्ग करण्यात आली असून या पंचायत विभागाचे अधिकारी व कर्मचारी आमच्या अंगावर अगोदरच कामाचा भूजापला असल्याने या योजनेचे काम करण्यास तयार नाहीत त्यामुळे वयोवृद्ध कलावंताचे प्रस्ताव या विभागाकडे प्राप्त असून सुद्धा सन 2023 24 यावर्षीची बैठक सुद्धा झाली नसल्यामुळे ते धुळखात पडून आहेत.
अनेक कलावंत म्हातारपणी आपल्याला मिळणाऱ्या मानधनाची अहोरात्र वाट पाहत आपल्या जीवनाची फरफट करीत आहेत परंतु शासन याबाबत गांभीर्याने विचार करीत नाही. वरिष्ठांनी लोक कलावंताची होणारी हेळसांड लक्षात घेऊन पंचायती विभागाकडे वर्ग करण्याकरिता काढण्यात आलेल्या 16 मार्च 2024 शासन निर्णय रद्द करून पुढील प्रमाणे समाज कल्याण विभागाकडे हे कायम ठेवून ज्येष्ठ साहित्यिक कलावंत प्रश्न मार्गी लावून ज्येष्ठ साहित्यिक लोककलावंतांची होणारी हेळसांड थांबवावी. अशी मागणी पारंपारिक शाहीर लोक कलावंत मंडळ महाराष्ट्र यांच्या वतीने लेखी निवेदनाद्वारे करण्यात आली आहे.
