लोहा| महाराष्ट्र राज्य माध्यमिक व उच्च माध्यमिक शिक्षण मंडळ पुणे यांच्याकडून प्रकाशित होत असलेले शिक्षण संक्रमण या मासिकासाठी राज्यातील माध्यमिक ,उच्च माध्यमिक शाळांकडून वर्गणी घेतली जाते,.पण विभागीय शिक्षण मंडळ (विभागीय बोर्ड ) हे मासिक पाठवीत नाहीत. गेल्या अनेक महिण्या पासून हे मासिक शाळांना मिळत नाही.उपयुक्त माहिती असलेले हे मासिक नियमित द्या अन्यथा वर्गणी बंद करा. अशी मागणी लोहा तालुका खाजगी मुख्याध्यापक संघाचे कार्याध्यक्ष दामोधर वडजे यांनी केली आहे.
जिल्ह्यासह राज्यातील माध्यमिक व उच्च माध्यमिक शाळेकडून सक्तीने दोन शिक्षण संक्रमणाची वर्गणी पाचशे रुपये दरवर्षी नियमित घेते . शैक्षणिक चळवळीतील अत्यंत महत्त्वाची भूमिका बजावणारे हे मासिक मात्र बहुतांश अनेक शाळांना पाठवलेच जात नाही. याविषयी अनेक वेळा मुख्याध्यापक संघाने वरिष्ठ अधिकारी यांच्या बैठकीमध्ये हा विषय मांडला परंतु निर्णय झाला नाही.
एकीकडे शैक्षणिक गुणवत्ता वाढीसाठी शासन अनेक उपक्रम राबवते. त्या उपक्रमाची माहिती या शिक्षण संक्रमण या मासिकात येते शैक्षणिक उपक्रम गतिमान करण्यासाठी या मासिकाची अत्यंत महत्त्वाची भूमिका आहे. तसेच महत्वाचे शैक्षणिक निर्णय , पाठय घटकातील व शुद्धी पत्रक प्रकाशित होत असतात. शिक्षकांनी आपल्या शाळेत राबवलेल्या उपक्रमांची माहिती यात।नमूद असते. शिक्षण तज्ज्ञांचे लेख, समाज सुधारकांच्या जीवन कार्यावरील विविध लेख आणि शालांत प्रमाणपत्र परीक्षा याविषयी राबवण्यात येणारे उपक्रम,त्यात नमूद असतात.
शैक्षणिक दृष्टया महत्वाचे असलेले हे मासिक विभागीय बोर्ड शाळेत पाठवीत नाहीत एवढी उदासीनता प्रशसाकीय पातळीवर आहे मासिक जर शाळांपर्यंत पोहोचत नसेल आणि शिक्षण शिक्षण संक्रमणाची वर्गणीची सक्ती कशासाठी (?) असा सवाल मुख्याध्यापक संघटनेचे कार्याध्यक्ष दामोधर वडजे यांनी केला आहे. अनेक मुख्याध्यापकांनी वेळोवेळी लातूर विभागीय बोर्डकडे लेखी पत्र दिले. पण त्यावर कुठलाच तोडगा निघाला नाही. माध्यमिक व उच्च माध्यमिक शिक्षण मंडळ पुणे यांच्याकडे मेल केला तरी दखल घेतली जात नाही.याकडे मुख्याध्यापक श्री वडजे यांनी शिक्षण विभागाचे लक्ष वेधले आहे. वरिष्ठांनी याची तात्काळ दखल घेऊन “शिक्षण संक्रमण”सुरू करावे होत नसेल तर सक्तीची वर्गणी घेणे थांबवावे अशी मागणी मुख्याध्यापक संघटनांचे कार्याध्यक्ष दामोधर वडजे यांनी केली आहे.