Famous entrepreneur Malu Kamble honored with Entrepreneurial Entrepreneur Award देगलुर,गंगाधर मठवाले। शहरातील सिद्धार्थ नगर येथील एका गरीब कुटुंबातील भूमिपुत्र मालू कांबळे हे प्रसिद्ध उद्योजक पर्यंत मजल मारत त्यांचे कृष्णूर, नांदेड व हैद्राबाद याठिकाणी कारखाने उभे केले आहेत. उद्योग जगतातील एक नवीन उगवता तारा म्हणून व्यवस्थापकीय संचालक उद्योजक मालू कांबळे यांचा दिल्ली येथे केंद्रीय वित्त मंत्री निर्मला सीतारामन यांच्या हस्ते सत्कार करण्यात आला.
विकसीत भारतासाठी निर्यात-नेतृत्वा खाली घडवून आणण्यासाठी एक महत्त्वपूर्ण पाऊल म्हणून, एक्सपोर्ट इम्पोर्ट बँक ऑफ इंडिया (EXIM) ने २४ जून २०२५ रोजी व्यापार परिषदेचे आयोजन केले होते.या कार्यक्रमादरम्यान श्रीमती निर्मला सीतारमण यांनी उद्योग जगतातील उगवते तारे कार्यक्रमांतर्गत समर्थित निवडक एसएमईंना मंजुरी पत्रे वितरित करण्यात आले.
अतिशय अभिमानाने सांगण्यासारखं म्हणजे देगलूर सारख्या मागास भागातील एक व्यक्ती अर्थात व्यवस्थापकीय संचालक श्री. मालू कांबळे यांनी औद्योगिक द्रव कचरा व्यवस्थापनाच्या समस्येचे निराकरण करून शाश्वत भारत निर्माण करण्यासाठी केईपीच्या योगदानाबद्दल त्यांना माननीय केंद्रीय अर्थमंत्र्यांच्या हस्ते मंजुरी पत्र देखील देण्यात आले.या परिषदेदरम्यान, माननीय अर्थमंत्र्यांनी असेही नमूद केले की MSMEs च्या व्याख्येत सुधारणा, उद्यम नोंदणी, क्रेडिट गॅरंटी योजनांचे नूतनीकरण, TReDS आणि एक्झिम बँकेचा उभरते सीतारे कार्यक्रम यासारख्या प्रमुख उपक्रमांद्वारे MSMEs ला पाठिंबा दिला जात आहे.
याप्रसंगी अर्थ राज्यमंत्री श्री पंकज चौधरी आणि भारत सरकारच्या वित्त मंत्रालयाच्या वित्तीय सेवा विभागाचे सचिव श्री एम. नागराजू आणि एक्झिम बँकेच्या व्यवस्थापकीय संचालक सुश्री हर्षा बंगारी उपस्थित होत्या.या कार्यक्रमाला भारतीय उद्योग, बँकिंग व वित्तीय संस्थांचे प्रमुख, निर्यातदार, निर्यात प्रोत्साहन परिषदा आणि शैक्षणिक क्षेत्रातील २०० हून अधिक सहभागी उपस्थित होते. तसेच उद्योजक मालू कांबळे यांच्या अभूतपूर्व झालेल्या सत्काराबद्दल संपूर्ण नांदेड जिल्ह्यात मोठ्या प्रमाणात कौतुक होत आहे.