voting awareness : लोकशाही बळकटीकरणासाठी मतदान जनजागृतीमध्ये दिव्यांगांचा पुढाकार -NNL
नांदेड| नांदेड लोकसभा पोटनिवडणूक आणि विधानसभा सार्वत्रिक निवडणूक 2024 अंतर्गत जिल्हा प्रशासनाच्या वतीने मतदार जनजागृतीसाठी विविध उपक्रम राबविले जात आहेत. या उपक्रमांचा मुख्य उद्देश लोकशाही बळकट करणे तसे मतदारांचा सहभाग वाढविणे हा आहे. विशेषतः दिव्यांग मतदारांमध्ये जनजागृती करण्यासाठी विशेष प्रयत्न केले जात आहेत.
महापालिकेच्या स्पीप टीमच्या माध्यमातून दिव्यांग व्यक्तींना गृहभेटी देऊन त्यांना मतदान प्रक्रियेबद्दल माहिती देण्यात येत आहे. याचाच एक भाग म्हणून, आज राजेश हाडोळे या बहुविकलांग नवयुवा मतदारास त्यांच्या घरी भेट देण्यात आली. दिव्यांग मतदारांच्या सहभागातून समाजात सकारात्मक संदेश व मतदानाचे पटवून देण्याचा उद्देश होता.
या गृहभेटीत स्पीप टीमचे कर्मचारी संजय ढवळे व संदीप लबडे यांनी सहभाग घेतला. यावेळी उपस्थित नागरिकांनीही दिव्यांग मतदारांच्या या पुढाकाराचे कौतुक केले आहे.
