नांदेड/हिमायतनगर,अनिल मादसवार। नांदेड जिल्ह्यातील हिमायतनगर तालुक्यात येणाऱ्या पैनगंगा नदीकाठावरील एकंबा ग्रामपंचायतीच्या अधिकारी पदाधिकारी यांनी येथील नळ योजनेची विहिर, फिल्टर पाणी मशिन, लहान मुलांचे साहित्य, गावातील अंतर्गत नाल्या व इतर विविध विकास कामांचे कोणतेही अंदाजपत्रक न करता परस्पर सरपंच, उपसरपच, ग्रामसेवक यानी अभियंत्याला हाताशी धरुन कागदोपत्री कामे केली आहेत. एव्हढेच नाहीतर कामे झाल्याचे दर्शवून शासनाचा निधी उचलून घेवुन हडप केल्याची तक्रार मुख्य कार्यकारी मीनल करणवाल यांच्याकडे एका निवेदनाद्वारे करण्यात आली आहे. याची गावकऱ्यांसमक्ष चौकशी करून कारवाई करावी अन्यथा लोकशाही मार्गाने आमरण उपोषण करण्याचा इशारा देण्यात आला आहे.
हिमायतनगर तालुक्यातील मौजे एकंबा येथील ग्रामपंचायत अंतर्गत विविध विकास कामात झालेल्या अपहार व गैरव्यवहार बाबत दिलेल्या तक्रारीत म्हंटलं आहे की,नांदेड जिल्ह्यातील मौजे एकबा ता. हिमायतनगर जि. नांदेड येथील ग्रामपंचायत च्या अधिकारी कर्मचारी यांनी राबविलेल्या शासकीय नळ योजनेट मोठी अनियमितता आहे. हि योजना केवळ कागदोपत्री राबवून पैसे उचलण्यात आले आहेत. तसेच गावकऱ्यांना शुद्ध पाणी पुरवठा करण्यासाठी पाणी फिल्टर, अंगणवाडीतील साहित्य, नाल्या बांधकाम यासह सर्व शासकीय योजना कागदोपत्री दाखवून परस्पर रक्कम उचलली आहे. ह्या सर्वाचे पुराव्यासहित अर्ज सादर करत असल्याचे मुख्यकार्यकारी अधिकारी मीनल करणवाल यांना दिलेल्या निवेनात म्हंटले आहे. हा संपूर्ण ग्राम पंचायतचा भोंगळ कारभार आपल्या निदर्शनास आणुन दिला त्वरित दोन दिवसात संपूर्ण ग्राम पंचायतच्या कागदोपत्री कारभारावर कार्यवाही करुन आमच्या गावातील सर्व लोकांना न्याय देण्यात यावा असेही निवेदनात म्हंटले आहे.
तसेच वरील योजनाचा सर्व निधी हा गावातील सरपंच, उपसरपंच व ग्रामसेवक यानी संबंधित विभागाचे अभियंता यांना हाताशी धरून कागदोपत्री सदरील कामाचे अंदाजपत्रक तयार करून सर्व शासनाचा आलेला निधी परस्पर उचलुन घेतलेला आहे. गावांत कोणत्याही प्रकारचे वरील प्रमाणे कामे केलेली नाहीत. त्यामुळे वरील कामाची सविस्तर चौकशी करुन, प्रत्यक्षात वरील कामे हि झालीत का नाहीत? झाली तर कुठे झाली याबाबतचा पंचनामा गांवकऱ्यासमक्ष करण्यांत यावा. कागदोपत्री काम करणाऱ्या सरपंच, उपसरपंच, ग्रामसेवक आणि सबंधित विभागाचे अभियंता याच्यावर फौजदारी स्वरुपाची कार्यवाही आपल्या स्तरावरुन करण्यांत यावी.
जर वरील कामाची प्रत्यक्ष चौकशी व पंचनामा गांवकऱ्या समक्ष न केल्यास व संबंधितावर कार्यवाही न झाल्यास आम्हा अर्जदारांना सर्व गांवकऱ्यांना घेवुन लोकशाही मार्गाचा अवलंब करुन पंचायत समितीसमोर न्याय हक्कासाठी आमरण उपोषणास बसावे लागेल. याची नोद घ्यावी असा इशाराही निवेदनातून देण्यात आला आहे. या निवेदनात गंगाप्रसाद रामजी कांदेवाड यांच्यासह अनेकांच्या स्वाक्षऱ्या असून, नांदेड येथे मुख्यकार्यकारी अधिकारी मीनल करणवाल यांना निवेदन देताना एकंबा गावातील युवक उपस्थित होते.