नांदेड/हदगाव| श्रावण मासानिमित्त हदगाव तालुक्यात आयोजित करण्यात आलेल्या नागपंचमी सणातील शिराळ ऑनलाईन सजावट स्पर्धेला माहोलानी उत्स्फूर्त प्रतिसाद दिला आहे. तसेच भव्य वक्तृत्व स्पर्धेला विद्यार्थ्यांनी उदंड प्रतिसाद दिला असून, या दोन्ही स्पर्धेचे बक्षीस वितरण आज हदगाव येथे करण्यात आले.
महाराष्ट्र प्रदेश महिला काँग्रेसचे प्रदेश उपाध्यक्षा तथा नांदेड जिल्हा प्रभारी डॉ. रेखाताई पाटील चव्हाण गोर्लेगावकर यांच्या वतीने नागपंचमीनिमित्त शिराळ ऑनलाइन सजावट स्पर्धा आयोजित करण्यात आली होती. या स्पर्धेमध्ये 21 स्पर्धकांनी भाग नोंदविला असून, त्या स्पर्धकांनी सुंदर अशा प्रकारची सजावट करून आणि विविध गाण्यांचा त्यात समावेश करून तो व्हिडिओ पाठवून उत्स्फूर्त प्रतिसाद दिला आहे.
तसेच दिनांक १९ रोजी भव्य वक्तृत्व स्पर्धेचे आयोजन करण्या आले होते. या स्पर्धेसही ९३ स्पर्धकांनी सहभाग घेल्याने दोन वेगवेगळ्या ठिकाणी स्पर्धेचे नियोजन करून वक्तृत्व स्पर्धा यशस्वी झाली आहे. आज दिनांक 25 ऑगस्ट 2024 रोजी सकाळी 11 वाजता संत रोहिदास सभागृह, हदगाव येथे शिराळ सजावट आणि वक्तृत्व स्पर्धेचा बक्षीस वितरण सोहळा आयोजित करण्यात आला होता. या कार्यक्रमाच्या अध्यक्षस्थानी निवासी जिल्हाधिकारी महेश वडदकर तर प्रमुख पाहुणे म्हणून ज्येष्ठ साहित्यिक देविदास फुलारी, जिजाऊ ब्रिगेड, महाराष्ट्र राज्याचे प्रदेश प्रवक्ता डॉ. भारती मढवई, हदगाव पोलिस ठाण्याचे पोलीस निरीक्षक राजेश पुरी यांची उपस्थिती होती.
यावेळी उपस्थित मान्यवरांच्या हस्ते स्पर्धेत यश मिळविलेल्या स्पर्धकांना बक्षिस देऊन मान्यवरांच्या हसे गौरविण्यात आले. यावेळी मोठ्या प्रमाणात महिला मंडळी आणि मान्यवर नागरिक, कार्यकर्ते उपस्थित होते.
