Abinash Kumar appointed as Nanded District Superintendent of Police : नांदेड जिल्हा पोलीस अधीक्षकपदी अबिनाशकुमार यांची नियुक्ती -NNL
नांदेड| राज्यातील भारतीय पोलीस सेवेतील अधिकाऱ्यांच्या बदल्या करण्यात आल्या आहेत. यात नांदेड येथे कार्यरत असलेले अतिरिक्त पोलीस अधीक्षक अबिनाशकुमार यांची पदोन्नती देऊन नांदेड पोलीस अधीक्षकपदी नियुक्ती करण्यात आली आहे. तर नांदेड पोलीस अधीक्षक म्हणून कार्यरत असलेले श्रीकृष्ण कोकाटे यांच्या नियुक्तीचे स्वतंत्र आदेश काढण्यात येणार असल्याचे आदेशात नमूद केले आहे.
राज्यातील भारतीय पोलीस सेवेतील अधिकाऱ्यांच्या बदल्या करण्यात आल्या आहेत. यात नांदेड येथे मागील दोन वर्षांपासून कार्यरत असलेले अतिरिक्त पोलीस अधीक्षक अबिनाश कुमार यांच्यावर नांदेड जिल्हा पोलीस अधीक्षकपदाची जबाबदारी टाकण्यात आली आहे.
यासोबतच पुणे वाहतूक शाखेत उपायुक्त असलेले विजय कुमार मगर यांना लातूर पोलीस प्रशिक्षण केंद्रात प्राचार्य म्हणून तर अमरावती राज्य गुन्हे अन्वेषण विभागाचे पोलीस अधीक्षक अविनाश बारगळ यांच्यावर बीड पोलीस अधीक्षकांची जबाबदारी सोपविण्यात आली आहे. यासोबतच विनय राठोड ठाणे यांची बदली छत्रपती संभाजी नगर (ग्रामीण) पोलीस अधीक्षक म्हणून करण्यात आली आहे.
येथे नांदेड पोलीस अधीक्षक म्हणून कार्यरत असलेले श्रीकृष्ण कोकाटे, मनीष कलवानिया आणि नंदकुमार ठाकूर यांचे स्वतंत्र आदेश काढण्यात येणार असल्याचे आदेशात नमूद केले आहे. नांदेड जिल्ह्याची कायदा व सुव्यवस्था सांभाळण्याची जबाबदारी आता अबिनाशकुमार यांच्यावर असणार आहे.
